قازاقستاننىڭ تۇڭعىش پرەزيدەنتىنىڭ قىزى ءاليا نازارباەۆا 220 ميلليون فۋنت ستەرلينگتىك بايلىعىن ەلدەن الىپ كەتكەننەن كەيىن 18 ميلليون فۋنت ستەرلينگكە ليۋكس ۇشاق پەن 8,75 ميلليون فۋنت ستەرلينگە لوندوننان ءزاۋلىم ءۇي ساتىپ العان. بۇل تۋرالى شەتەلدىك باق جازدى، دەپ حابارلايدى «ادىرنا» ءتىلشىسى.
ول سونداي-اق ەكى قارجىلىق كەڭەسشىگە بريتاندىق ۆيرگين ارالىنداعى ليحتەنشتەيننەن وففشورلىق ترەستتەر مەن كومپانيالارعا اقشا اۋدارۋدى تاپسىرعان. سودان كەيىن ۇلىبريتانيادا تۇرۋعا رۇقسات الۋ ءۇشىن لوندوننىڭ سولتۇستىگىندەگى حايگەيتتەن ءۇيدىڭ جانە Challenger Bombardier ۇشاعىنىڭ يەسى اتاندى.
«بۇل اقپارات نازارباەۆا حانىمنىڭ ەكى قارجىلىق كەڭەسشىسىمەن بولعان جانجالدان كەيىن، اتاپ ايتساق، ولاردى قاراجاتتى زاڭسىز يەمدەندى، الاياقتىقپەن ءسوز بايلاسۋ، سەنىمدىلىك مىندەتىن بۇزدى دەگەن ايىپتاۋىنان سوڭ بەلگىلى بولدى»،– دەپ جازدى Sunday Telegraph.
قاڭتار ايىندا بولعان تارتىپسىزدىكتەر كەزىندە قازاقستان حالقى ەلباسى مەن ونىڭ وتباسىن ەلدەن وراسان بايلىق جينادى دەپ ايىپتادى.
Daily Mail باسىلىمى ءاليا نازارباەۆانىڭ تارتىپسىزدىكتەر كەزىندە اكەسىمەن بىرگە دۋبايعا بارعىسى كەلگەنىن جانە لوندونداعى مۇلىگىن قاۋىپسىز بازا رەتىندە پايدالانا الادى دەگەن قاۋەسەتتىڭ تاراعانىن اتاپ ءوتتى.
وتكەن جىلى بريتان پوليتسياسى نازارباەۆتىڭ قىزى مەن نەمەرەسىنىڭ لوندوندا 80 ميلليون فۋنت ستەرلينگكە ءۇش جىلجىمايتىن مۇلىك ساتىپ الۋ ءۇشىن اقشانى قالاي تاپقانىن تۇسىندىرۋگە تىرىسىپ، جوعارعى سوتتا جەڭىلىپ قالعان بولاتىن.
«ادىرنا» ۇلتتىق پورتالى
