Álııa Nazarbaevanyń 220 mıllıon fýnt sterlıngtik baılyǵyn qaıda jumsaǵany belgili boldy

11640
Adyrna.kz Telegram

Qazaqstannyń Tuńǵysh prezıdentiniń qyzy Álııa Nazarbaeva 220 mıllıon fýnt sterlıngtik baılyǵyn elden alyp ketkennen keıin 18 mıllıon fýnt sterlıngke lıýks ushaq pen 8,75 mıllıon fýnt sterlınge Londonnan záýlim úı satyp alǵan. Bul týraly sheteldik BAQ jazdy, dep habarlaıdy «Adyrna» tilshisi.

Ol sondaı-aq eki qarjylyq keńesshige Brıtandyq Vırgın aralyndaǵy Lıhtenshteınnen offshorlyq trestter men kompanııalarǵa aqsha aýdarýdy tapsyrǵan. Sodan keıin Ulybrıtanııada turýǵa ruqsat alý úshin Londonnyń soltústigindegi Haıgeıtten úıdiń jáne Challenger Bombardier ushaǵynyń ıesi atandy.

«Bul aqparat Nazarbaeva hanymnyń eki qarjylyq keńesshisimen bolǵan janjaldan keıin, atap aıtsaq, olardy qarajatty zańsyz ıemdendi, alaıaqtyqpen sóz baılasý, senimdilik mindetin buzdy degen aıyptaýynan soń belgili boldy»,– dep jazdy Sunday Telegraph.

Qańtar aıynda bolǵan tártipsizdikter kezinde Qazaqstan halqy Elbasy men onyń otbasyn elden orasan baılyq jınady dep aıyptady.

Daily Mail basylymy Álııa Nazarbaevanyń tártipsizdikter kezinde ákesimen birge Dýbaıǵa barǵysy kelgenin jáne Londondaǵy múligin qaýipsiz baza retinde paıdalana alady degen qaýesettiń taraǵanyn atap ótti.

Ótken jyly brıtan polıııasy Nazarbaevtyń qyzy men nemeresiniń Londonda 80 mıllıon fýnt sterlıngke úsh jyljymaıtyn múlik satyp alý úshin aqshany qalaı tapqanyn túsindirýge tyrysyp, Joǵarǵy sotta jeńilip qalǵan bolatyn.

«Adyrna» ulttyq portaly

Pikirler