تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى ناشار كورەتىن جانە زاعيپ جاندارعا ارنالعان شلەم كونتسەپتسياسىن ويلاپ تاپتى.
ۆيكتور كوحنو مەن ماكسيم سۋرين اۆتونومدى شلەمنىڭ كومەگىمەن قالادا وزدىگىنەن جانە قاۋىپسىز قوزعالۋعا بولادى، وسىلايشا زاعيپ ادامداردىڭ كۇندەلىكتى ءومىرىن ايتارلىقتاي جەڭىلدەتەدى دەگەن قورىتىندىعا كەلدى.
ءوزىڭىزدى قاراڭعىلىقتا ەلەستەتىپ كورىڭىزشى، ءسىزدىڭ العاشقى ارەكەتتەرىڭىز قانداي؟ – دەيدى ازىرلەۋشىلەردىڭ ءبىرى ۆيكتور. - ءسىز قاي جەردە ەكەنىڭىزدى ءتۇسىنۋ ءۇشىن دىبىستاردى تىڭداي باستايسىز، اينالاڭىزداعى زاتتاردى سەزە باستايسىز.
بۇل ادىستەردى دۇنيە جۇزىندە 36 ميلليوننان استام زاعيپ ادام قولدانادى. ءاربىر زاعيپ ادام سەنسورعا، دىبىستىق سيگنالدارعا، جەكە كومەكشىلەرگە جانە ەكراننان وقۋ قۇرالدارىنا تىكەلەي تاۋەلدى.
تەك قازاقستاندا 160 مىڭ كورۋ قابىلەتى ناشار ادام بولسا، الماتى وبلىسىنىڭ «زاعيپتار قوعامىندا» ~1500 ادام تىركەلگەن.
بۇل ماسەلەنى شەشۋ ءۇشىن زياتكەر وقۋشىلار كورۋگە مۇقتاج جاندارعا شلەم ۇسىنۋدا.
جۇمىس بارىسىندا وقۋشىلار وبلىستاعى «زاعيپتار قوعامىندا» بولدى. زاعيپ جاندارمەن ونداعان سۇحبات جۇرگىزگەننەن كەيىن ءپروتوتيپتى جوبالاۋ فاكتورلارىن انىقتاي الدى.
شلەمدە قۋات تۇيمەسى، كەڭ ەكراندى كامەرا، بانك كارتاسىنىڭ كولەمىندەي ءبىر تاقتالى كومپيۋتەر جانە ەكى قۇلاققاپ بار. شلەم اۆتوموبيلدەردى، پويىزداردى، اۆتوبۋستاردى، باعدارشامداردى، جول بەلگىلەرىن، ۆەلوسيپەدشىلەردى جانە ادامداردى انىقتاۋعا قابىلەتتى.
بۇل رەتتە تالدىقورعاندىق روبوتوتەحنيكا كومانداسى سمارتفونعا ورناتىلعان «بولاشاقتى كور!» شلەمگە ارنايى قوسىمشا جاساپ شىعاردى. قازىرگى ۋاقىتتا قولدانبادا گەولوكاتسيا، اۋا رايى، كومپاس، مۋزىكا، پودكاستتار، اۋديوكىتاپتار سياقتى فۋنكتسيالار بار.
زياتكەرلىك مەكتەپ وقۋشىلارىنىڭ جوباسى Samsung بايقاۋىنا قاتىسىپ، جۇزدەگەن جۇمىستاردىڭ اراسىنان ۇزدىك 10-قا ەندى. كومانداعا 450 مىڭ تەڭگەنىڭ سەرتيفيكاتى تابىستالدى.
