شىمكەنتتە كوروناۆيرۋس جۇقتىرعان جۇكتى ايەلدەردى ەمدەۋگە ارنالعان ينفەكتسيالىق ستاتسيونار اشىلدى

1597
Adyrna.kz Telegram

جاڭادان اشىلعان ستاتسيونار №2 قالالىق اۋرۋحانا بازاسىندا اشىلعان. مۇندا ينفەكتسيالىق اۋرۋعا شالدىققان ناۋقاستاردى ەمدەۋگە ارنالعان 100-توسەك ورىن دايىندالعان.

كوروناۆيرۋستىق ينفەكتسيا جۇقتىرعان ناۋقاستار سانىنىڭ وسۋىنە بايلانىستى جاساقتالعان بۇل ستاتسيونار جۇكتى ايەلدەر مەن بوسانعان انالارعا
ارنالعان. ورتالىق ناۋقاستاردى ەمدەۋ ءۇشىن بارلىق قاجەتتى مەديتسينالىق جابدىقتارمەن قامتىلعان. مۇندا دارىگەرلەر كوۆيد اۋرۋىنىڭ ورتاشا جانە اۋىر اعىمى بار ناۋقاستاردى ەمدەيدى.

«سوڭعى ەكى كۇننىڭ ىشىندە ستاتسيوناردا 22 ناۋقاس جاتىر. ونىڭ 13-ءى بوسانعان انالار، قالعاندارى جۇكتى ايەلدەر. ناۋقاستاردى ەمدەۋ ءۇشىن اپپاراتتار ورناتىلعان. قازىر مۇندا قاجەتتىنىڭ بارلىعى بار»-دەيدى اۋرۋحانانىڭ باس دارىگەرى راحماتاليەۆ اسقار.

ايتا كەتەيىك، №2 قالالىق اۋرۋحانا قۇرامىنداعى ەمحانادا ەگۋ بەكەتى جۇمىس ىستەيدى. مۇندا مەديتسينا ماماندارى كۇندەلىكتى كوۆيدكە قارسى ۆاكتسيناتسيالاۋ جۇمىستارىن جۇرگىزەدى. بۇگىنگە دەيىن قالادا 1-ءشى كومپونەنتپەن
593 553 ادام، 2 – ءشى كومپونەنتپەن-579 278 ادام ەگىلدى.سونداي-اق 2021 جىلدىڭ 15 قاراشاسىنان باستاپ 12-18 جاسقا دەيىنگى بالالار،جۇكتى جانە بالا ەمىزەتىن ايەلدەردىڭ "Pfizer-BioNTech" ۆاكتسيناسىمەن ۆاكتسيناتسيالاۋ باستالدى. "Pfizer-BioNTech"ۆاكتسيناسىنىڭ1-ءشى كومپونەنتىمەن 22 229 ادام ەگىلگەن.

شىمكەنت قالاسىنىڭ دەنساۋلىق ساقتاۋ باسقارماسىنىڭ باسشىسى پوزيلوۆ باقىيتجاننىڭ سوزىنشە،قالادا ەپيدەميالوگيالىق جاعداي كۇردەلى. سوڭعى تاۋلىكتىڭ ىشىندە 343 ناۋقاستان كوۆيد انىقتالعان.

«قازىر جانساقتاۋ بولىمىندە 26 ناۋقاس جاتىر. ولاردىڭ جەڭ جارتىسى يۆل اپپاراتتا. وكىنىشكە قاراي، ولاردىڭ كوبىسى ۆاكتسينا سالدىرماعان. سوزىلمالى اۋرى بار ناۋقاستارعا ايتارىمىز ۆاكتسينا سالدىرىڭىزدار. ويتكەنى قوسىمشا اۋرۋى بار ناۋقاستاردا كوروناۆيرۋس اۋىر وتەدى»-دەيدى ب. پوزيلوۆ.

پىكىرلەر