ءامىرجان قوسانوۆ ەلدى توقاەۆقا قولداۋ كورسەتۋگە شاقىرۋدا، دەپ حابارلايدى "ادىرنا" سايتى.
ول ءوزىنىڭ جەلىدەگى جازباسىندا:
"جەلىدە اڭگىمە كوپ. نازارباەۆ، توقاەۆ، ولاردىڭ وتباسى، كۇيەۋلەر، تاعىسىن تاعى دەگەندەي. ءبارى قىزىق، ەل "تاعى دا كىمدى ورنىنان الىپ تاستايدى" دەپ، ەلىرىپ وتىر. ناعىز حايپ!
سونىڭ سوڭىنا ەلتىپ كەتپەيىك. انام ايتپاقشى، "پاڭقىپ ءجۇرىپ", مەملەكەتتەن ايىرىلىپ قالمايىق!
مەنىڭشە، ءبىر-اق نارسە كەرەك: 1995 جىلى اياق استىنان وزگەرتىلىپ، بار بيلىكتى ءبىر ادامنىڭ قولىنا شوعىرلاندىرعان كونستيتۋتسيانى وزگەرتۋ كەرەك!
بيلىك تارماقتارىنىڭ - زاڭ شىعارۋشى، اتقارۋشى جانە سوت - تولىققاندىعىن تۇزەيىك!
ەگەر شىنىمەن اۆگي اتقوراسىن تازالايمىن دەسە، توقاەۆقا قولداۋ كورسەتەيىك!
بىراق ول وزىنە عانا تاۋەلدى تاعى ءبىر رەجيم قۇرعىسى كەلسە، وعان قارسىمىن!
بۇگىنگى اقيقات سول: پرەزيدەنت ءوز ماڭايى ەمەس، حالىققا ارقا سۇيەۋى كەرەك! سوندا ءبارى وزگەرەدى!
دۇرىس پا؟" دەپ جازدى.
"ادىرنا" ۇلتتىق پورتالى
