«ۇلتتىق ۇلاننىڭ ساربازى، ەفرەيتور رۋستامبەك بايحاراشەۆتىڭ بىرنەشە كۇننەن بەرى جانى جاي تاپپاي ءجۇر. 5 قاڭتاردا تارتىپسىزدىكتەردى باسۋ كەزىندە سارباز جارالانىپ، ءوزىنىڭ شىنايى دوسى، نايتس اتتى قىزمەتتىك يتىنەن ايىرىلدى»، - دەپ حابارلايدى "ادىرنا" ۇلتتىق پورتالى پوليتسيا دەپارتامەنتىنىڭ ءباسپاسوز قىزمەتىنە سىلتەپ.
اسكەري قىزمەتكەر باسىنان سوققى العانىن، كەيىن ءيتىن الىپ كەتكەنىن ايتتى. رۋستامبەك بۇگىن جاعدايى جاقسارىپ، ۇستالعان شابۋىلداۋشىنى سيپاتتاي الدى.
"يەسى مەن ءيتتىڭ كوپتەن كۇتكەن كەزدەسۋى پوليتسيا بولىمشەسىنىڭ قابىرعاسىندا ءوتتى. نايتس (قىزمەتتىك ءيتتىڭ اتى) قىزمەتتىك كابينەتتە تىنىش وتىرىپ، ءوزىنىڭ سەرىكتەسىن كۇتتى", - دەدى پوليتسيا.
كينولوگ نايتسپەن بىرگە ءبىر جارىم جىلداي قىزمەت ەتىپ كەلە جاتقانىن ايتتى. ونىڭ ايتۋىنشا، وۆچاركا ءيتى وتە اقىلدى، مەيىرىمدى، ءتارتىپتى.
"ادىرنا" ۇلتتىق پورتالى
