«سامۇرىق-قازىنا» مەن ۇكىمەت اراسىنداعى ءوزارا قاتىناستاردىڭ سيپاتىن وزگەرتۋ قاجەت - بەرىك ءۋالي

1643
Adyrna.kz Telegram

«سامۇرىق-قازىنا» مەن ۇكىمەت اراسىنداعى ءوزارا قاتىناستاردىڭ سيپاتىن وزگەرتۋ قاجەت. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي ءوز  Facebook پاراقشاسىندا جازدى، دەپ حابارلايدى "ادىرنا" ۇلتتىق پورتالى.

- وزدەرىڭىزگە ءمالىم، مەملەكەت باسشىسى قاسىم-جومارت توقاەۆ 11 قاڭتاردا وتكەن ءماجىلىستىڭ پلەنارلىق وتىرىسىندا «سامۇرىق-قازىنا» قورىنىڭ قىزمەتىن تولىعىمەن ترانسفورماتسيالاۋ قاجەت ەكەنىن ايتقان بولاتىن. قوردىڭ پورتفەلدى كومپانيالارى – ۇلتتىق ەكونوميكانىڭ جۇيە قۇراۋشى قۇرىلىمدارى. سوندىقتان قازىر ەكونوميكانى قۇرىلىمدىق جاعىنان قايتا قۇرۋ جانە رەسۋرستاردى ەل يگىلىگىنە باعىتتاۋ جونىندەگى مىندەتتەردىڭ ورىندالۋى قوردىڭ جۇمىسىنا بايلانىستى. مەملەكەت باسشىسىنىڭ پىكىرىنشە، ۇكىمەت، ەڭ الدىمەن، تىم كوپ باسقارۋ قۇرىلىمدارىن قىسقارتۋمەن اينالىسۋى كەرەك. سونىمەن قاتار مەملەكەت پەن حالىقتىڭ مۇددەسىنە باعىتتالعان تابىستاردى ارتتىرۋ ءۇشىن «سامۇرىق-قازىنا» مەن ۇكىمەت اراسىنداعى ءوزارا قاتىناستاردىڭ سيپاتىن وزگەرتۋ قاجەت، - دەپ جازدى بەرىك ءۋالي.

ول قاسىم-جومارت توقاەۆ ۇكىمەتتەن ەكونوميكانىڭ نەگىزگى سالالارىندا شىنايى باسەكەگە نەگىزدەلگەن ورتا قالىپتاستىرۋدى جانە قور مەن ۇلتتىق كومپانيالاردىڭ ساتىپ الۋ جۇيەلەرىنىڭ اشىقتىعىن قامتاماسىز ەتۋدى تالاپ ەتكەنىن جەتكىزدى.

- پرەزيدەنتتىڭ پىكىرىنشە، مەملەكەت ەكونوميكاعا كوپ ارالاسا بەرمەۋى كەرەك جانە وسى تۇرعىدا «سامۇرىق-قازىنا» قورىنىڭ اكتيۆتەرىن جەكەشەلەندىرۋ ءىسىن جانداندىرۋى قاجەت. وسىعان وراي جەكەشەلەندىرۋ كەزىندە اشىقتىقتى ساقتاۋ ماڭىزدى. ونسىز ەكونوميكانى قۇرىلىمدىق تۇرعىدان قايتا قۇرۋ مۇمكىن ەمەس. پرەزيدەنت ۇكىمەتتەن جانە جەكەشەلەندىرۋ جونىندەگى مەملەكەتتىك كوميسسيادان ناقتى ۇسىنىستار مەن ءىس-ارەكەتتەر كۇتەدى، - دەپ تولىقتىردى ول.

"ادىرنا" ۇلتتىق پورتالى

پىكىرلەر