شىمكەنتتە سۋ باسۋ قاۋپى بار اۋماقتار باقىلاۋعا الىنعان

1820
Adyrna.kz Telegram

اۋا رايىنىڭ قولايسىزدىعىنا بايلانىستى اباي اۋدانى اۋماعىندا سۋ باسۋ قاۋپى بار اۋماقتاردا ارنايى كەزەكشى بريگادالار جۇمىس اتقارۋدا.

اتاپ ايتقاندا، 112 ورامدا ورنالاسقان شىنار، يۋناتوۆ جانە اققاراعان كوشەلەرى، قاتىنكوپىر، شۇعىلا، تەلمان، اقنيەت شاعىن اۋداندارىنداعى جانە وزگە دە ەلدىمەكەن كوشەلەرىندە ارنايى سۋ تارتاتىن تەحنيكالار جۇمىس اتقارۋدا. بۇل جۇمىستارعا 34 تەحنيكا جانە 105 جۇمىسشى قىزمەتكەر جۇمىلدىرىلعان.

قازىرگى تاڭدا كوشە بويلارىنداعى يرريگاتسيالىق جۇيەلەر مەن ارىق-اتىزدار تازارتىلىپ، سۋ باسۋدىڭ الدىن الۋ جۇمىستارى جۇرگىزىلۋدە.

ودان بولەك، اۋدانداعى سانيتارلىق تازالىق جۇمىستارىدا كەستەگە سايكەس تۇراقتى تۇردە اتقارىلۋدا. وعان «اقسەمسەر» جشس 70-كە جۋىق قىزمەتكەرى مەن 23 تەحنيكاسى جۇمىلدىرىلعان.

قۇرمەتتى تۇرعىندار، كوممۋنالدىق ماسەلە تۋىنداسا 53-03-20 تەلەفون ءنومىرى نەمەسە قالالىق 109 بىرىڭعاي بايلانىس تەلەفوندارى ارقىلى ءوتىنىش بەرە الاسىزدار.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر