Aýa raıynyń qolaısyzdyǵyna baılanysty Abaı aýdany aýmaǵynda sý basý qaýpi bar aýmaqtarda arnaıy kezekshi brıgadalar jumys atqarýda.
Atap aıtqanda, 112 oramda ornalasqan Shynar, Iýnatov jáne Aqqaraǵan kósheleri, Qatynkópir, Shuǵyla, Telman, Aqnıet shaǵyn aýdandaryndaǵy jáne ózge de eldimeken kóshelerinde arnaıy sý tartatyn tehnıkalar jumys atqarýda. Bul jumystarǵa 34 tehnıka jáne 105 jumysshy qyzmetker jumyldyrylǵan.
Qazirgi tańda kóshe boılaryndaǵy ırrıgaııalyq júıeler men aryq-atyzdar tazartylyp, sý basýdyń aldyn alý jumystary júrgizilýde.
Odan bólek, aýdandaǵy sanıtarlyq tazalyq jumystaryda kestege sáıkes turaqty túrde atqarylýda. Oǵan «Aqsemser» JShS 70-ke jýyq qyzmetkeri men 23 tehnıkasy jumyldyrylǵan.
Qurmetti turǵyndar, kommýnaldyq másele týyndasa 53-03-20 telefon nómiri nemese qalalyq 109 birińǵaı baılanys telefondary arqyly ótinish bere alasyzdar.
Shymkent qalasy ákimdiginiń baspasóz qyzmeti
