قالقامان شاعىن اۋدانىندا لومباردتان ۇرلانعان ۇيالى تەلەفوندار تاركىلەندى، - دەپ حابارلايدى "ادىرنا" پورتالى. بۇل تۋرالى Polisia.kz مالىمدەدى.
ناۋرىزباي اۋداندىق پوليتسيا ءبولىمىنىڭ مالىمەتىنشە، 17 جاستاعى ءجاسوسپىرىم رايىمبەك داڭعىلىنىڭ بويىندا ورنالاسقان لومباردتاردىڭ ءبىرىن تونادى دەگەن كۇدىككە ىلىنگەن. جابىرلەنۋشى توناۋ سالدارىنان كەلتىرىلگەن ماتەريالدىق شىعىندى 2 ميلليون تەڭگەگە باعالاعان.
ۇرلانعان ءموبيلدى قۇرىلعىلار مەن گادجەتتەردى پوليتسەيلەر كۇدىكتىنىڭ جالعا العان تۇرعىن ۇيىنەن تاپتى. زاتتاي ايعاق الىندى. قازاقستان رەسپۋبليكاسى قىلمىستىق كودەكسىنىڭ 188-بابىنىڭ 3-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى.
"ادىرنا" ۇلتتىق پورتالى
