كوپبالالى انالار مەن جالعىز باستى زەينەتكەرلەرگە پاۆلودار اۋدانى جولبولدى اۋىلى اكىمى ەكى بولكە نان سىيلاعان. كوپبالالى انالاردىڭ ءبىرى Instagram-دا ەرەكشە سىيلىق تۋرالى ايتىپ بەردى، - دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
از قامتىلعان اۋىل تۇرعىندارى جاڭا جىل مەرەكەسىنە ءبىر كۇن قالعاندا جەرگىلىكتى بيلىكتەن نان العانى بەلگىلى بولدى. اكىمدىك قىزمەتكەرلەرى Instagram جەلىسىندەگى رەسمي پاراقشاسىندا فوتورەپورتاج جاريالاپ، سيپاتتاماسىندا "اۋىلدىق وكرۋگ اكىمى كوپبالالى انالارعا جانە جالعىز تۇراتىن زەينەتكەرلەرگە تەگىن نان ۇلەستىردى" دەپ جازعان. بيلىك وكىلدەرىنىڭ سىيى الۋشىلاردى تاڭعالدىرعان جانە اشۋلاندىرعان.
"اكىمدىكتىڭ ويىنشا، ءبىز نان ساتىپ الا المايمىز، ال مەرەكەدە حالىق تەك وسىنداي سىيلىققا لايىق. مەن مۇنى قورلىق دەپ سانايمىن", - دەيدى كوپبالالى انا.
بۇل رەتتە اۋىل اكىمدىگى ەشكىمدى رەنجىتكىسى دە، قورلاعىسى دا كەلمەيتىنىن جەتكىزگەن.
"اكىمدىككە ەشكىمدى شاقىرعان جوقپىز. 30 جەلتوقساندا دەمەۋشىلەردەن نان الىپ، ماماندارىمىز مۇقتاج جاندارعا جەتكىزىپ بەردى. سۋرەتتەگى قوعامدىق جۇمىستارمەن اينالىساتىن ەكى ايەل. بىرەۋى كوپبالالى انا، ەكىنشىسى - از قامتىلعان. ولاردى ادەيى شاقىرعان جوقپىز، نان بەردىك، بولدى. بىراق بارىنەن كەشىرىم سۇرادىق، ەشكىمدى رەنجىتكىمىز كەلمەدى", - دەپ ءتۇسىندىردى جولبولدى اۋىلدىق وكرۋگىنىڭ اكىمى حاميت احتانوۆ.
