Kópbalaly analar men jalǵyz basty zeınetkerlerge Pavlodar aýdany Jolboldy aýyly ákimi eki bólke nan syılaǵan. Kópbalaly analardyń biri Instagram-da erekshe syılyq týraly aıtyp berdi, - dep habarlaıdy "Adyrna" ulttyq portaly Tengrinews.kz-ke siltep.
Az qamtylǵan aýyl turǵyndary Jańa jyl merekesine bir kún qalǵanda jergilikti bılikten nan alǵany belgili boldy. Ákimdik qyzmetkerleri Instagram jelisindegi resmı paraqshasynda fotoreportaj jarııalap, sıpattamasynda "Aýyldyq okrýg ákimi kópbalaly analarǵa jáne jalǵyz turatyn zeınetkerlerge tegin nan úlestirdi" dep jazǵan. Bılik ókilderiniń syıy alýshylardy tańǵaldyrǵan jáne ashýlandyrǵan.
"Ákimdiktiń oıynsha, biz nan satyp ala almaımyz, al merekede halyq tek osyndaı syılyqqa laıyq. Men muny qorlyq dep sanaımyn", - deıdi kópbalaly ana.
Bul rette aýyl ákimdigi eshkimdi renjitkisi de, qorlaǵysy da kelmeıtinin jetkizgen.
"Ákimdikke eshkimdi shaqyrǵan joqpyz. 30 jeltoqsanda demeýshilerden nan alyp, mamandarymyz muqtaj jandarǵa jetkizip berdi. Sýrettegi qoǵamdyq jumystarmen aınalysatyn eki áıel. Bireýi kópbalaly ana, ekinshisi - az qamtylǵan. Olardy ádeıi shaqyrǵan joqpyz, nan berdik, boldy. Biraq bárinen keshirim suradyq, eshkimdi renjitkimiz kelmedi", - dep túsindirdi Jolboldy aýyldyq okrýginiń ákimi Hamıt Ahtanov.
