بەينەباقىلاۋ كامەرالارى قالىپقا كەلتىرىلۋدە

2028
Adyrna.kz Telegram

شىمكەنت قالاسىنداعى الەۋمەتتىك نىسانداردا جانە جول بويىندا جالپى 14 684 بەينەباقىلاۋ كامەراسى ورناتىلعان. بىلتىرعى جىلدىڭ وزىندە قالا كوشەلەرىنە 3177 زاماناۋي كامەرا قويىلدى. سونىڭ كومەگىمەن مەگاپوليستە ورىن العان جاپپاي تارتىپسىزدىكتى دەر كەزىندە توقتاتۋعا، بۇلىكشىلەرگە توسقاۋىل قويۋعا مۇمكىندىك تۋدى. كامەرا ارقىلى ازاماتتاردىڭ ءتۇر-تۇلعاسىن انىقتاپ، كۇدىكتىلەردى قولعا ءتۇسىردى.

بۇزاقىلىق ورىن العان ساتتە بەينەباقىلاۋ جۇيەسىنىڭ 189 «سەرگەك» كامەراسى ۆانداليزمگە ۇشىرادى. ونىڭ ىشىندە ماڭىزدى سانالاتىن ەلۋگە جۋىق كامەرا ساناۋلى ساعات ىشىندە قايتا قالپىنا كەلتىرىلدى.

قالا اكىمى ءتارتىپ پەن قاۋىپسىزدىكتى قامتاماسىز ەتۋدە كامەرانىڭ ماڭىزى زور ەكەنىن ايتىپ، بۇلىنگەن بەينەباقىلاۋ كامەرالارىن تەزدەتىپ قالىپقا كەلتىرۋ جونىندە ءتيىستى سالا باسشىسىنا تاپسىرما بەردى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر