بريتاندىق دارىگەر سايمون برەمحولل وپەراتسيالار كەزىندە ناۋقاستاردىڭ باۋىرىنا ءوز اتى-ءجونىن “س.ب” دەپ كۇيدىرىپ جازعانى ءۇشىن ليتسەنزياسىنان ايىرىلدى، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.
ۇلىبريتانيانىڭ باس مەديتسينالىق كەڭەسى حيرۋرگ سايمون برامحولدى مەديتسينالىق تىزىمنەن شىعاردى. ويتكەنى ول قالدىرعان SB ينيتسيالدارى 2013 جىلى بىرنەشە پاتسيەنتتىڭ ورگانىنان تابىلعان.
دارىگەر حيرۋرگيا كەزىندە قان كەتۋدى توقتاتۋ ءۇشىن قولدانىلاتىن ارگون لازەرىن قولدانعان. ادەتتە بۇل اپپارات قان تامىرلارىن كۇيدىرۋگە ارنالعان. ول كۇردەلى ترانسپلانتاتسيا وپەراتسيالارىنان كەيىن وسىلاي تىنىققانىن جانە اۋىر پروتسەستەر كەزىندە كوڭىلىن كونشىتۋ ماقساتىندا جازعانىن ايتادى.
برامحول 2013 جىلدىڭ اقپان-تامىز ايلارىندا بيرمينگەمدەگى پاتشايىم ەليزاۆەتا اۋرۋحاناسىندا جۇمىس ىستەگەن. سول جەردە ورگانداردى ترانسپلانتاتسيالاۋ وپەراتسيالارىن جاساعان. وپەراتسيادان بىر اپتا وتكەننەن كەيىن برامحوللدىڭ جاساعان وتاسى ناتيجە بەرمەي، باسقا دارىگەردىڭ پىشاعىنا تۇسكەن پاتسيەنتتىڭ باۋىرىنان 4 سانتيمەتر بولىپ جازىلعان اتى-ءجونى تابىلعان.
2014 جىلى ىشكى تارتىپتىك تەرگەۋ بارىسىندا ىستەگەن ارەكەتتەرى ءۇشىن وتستاۆكاعا كەتتى. برامحوللعا 12 ايلىق قوعامدىق جۇمىستارعا تارتۋعا ۇكىم شىعارىلىپ، 10 مىڭ فۋنت ستەرلينگكە (شامامەن 5,9 ميلليون تەڭگە) ايىپپۇل سالىندى.
2020 جىلدىڭ جەلتوقسانىندا حيرۋرگ كاسىبي قىزمەتىنەن 5 ايعا شەتتەتىلدى. الايدا 4 ماۋسىمدا بولعان سوڭعى وتىرىستا ءىستى قايتا قاراۋ بويىنشا تىڭدالىم كەزىندە ونىڭ پراكتيكاعا جارامدىلىعى كۇمان تۋدىرمايتىنى كورسەتىلىپ، قىزمەتتەن شەتتەتۋ تۋرالى قاۋلىنىڭ كۇشى جويىلعان.
الايدا سوڭعى اپتادا دارىگەرلەردىڭ تريبۋنال قىزمەتى (MPTS) جۇرگىزگەن تەكسەرۋ بارىسىندا برامحوللدىڭ ارەكەتتەرى "كاسىبي مەنمەندىكتەن" تۋىنداعانىن جانە سونىڭ سالدارىنان مەديتسينا قىزمەتكەرلەرىنە دەگەن قوعامدىق سەنىمگە نۇقسان كەلگەنىن جەتكىزدى. كەڭەس ونى مەديتسينالىق تىزىلىمنەن شىعاراتىنىن جانە ءتيىستى سانكتسيا بولاتىنىن مالىمدەدى.
”ادىرنا” ۇلتتىق پورتالى
