قر اقپارات جانە قوعامدىق دامۋ مينيسترلىگى باق سالاسىنداعى ۋاكىلەتتى ورگان جانە ارقاشان باق وكىلدەرىن قولداۋ جونىندەگى ۇستانىمداردى ۇستاناتىنىن مالىمدەدى، – دەپ حابارلايدى "ادىرنا" ۇلتتىق پورتالى قر اقپارات جانە قوعامدىق دامۋ مينيسترلىگى ءباسپاسوز قىزمەتىنە سىلتەمە جاساپ.
مينيسترلىك مالىمدەمەسىندە بۇگىنگى تاڭدا ەل اۋماعىندا باق وكىلدەرى ءۇشىن ءتيىستى ايىرىم بەلگىلەرى بەكىتىلگەن بەيبىت جينالىستاردا جۋرناليست (بۇقارالىق اقپارات قۇرالدارىنىڭ وكىلى) قىزمەتىنىڭ قاعيدالارى قولدانىلاتىنى جازىلدى.
"كەۋدەشە، جەڭدەگى تاڭعىش، جاپسىرما ءجۋرناليستىڭ ايىرىم بەلگىلەرىنىڭ نىساندارى بولىپ تابىلادى. كورسەتىلگەن ايىرىم بەلگىلەرىن تاعىپ ءجۇرۋ كەزىندە ولاردىڭ انىق كورىنۋىن قامتاماسىز ەتۋ قاجەت. مينيسترلىك باق وكىلدەرىن ۇستاپ الۋدىڭ ءاربىر جاعدايىن مۇقيات تەكسەرەدى. قازىرگى ۋاقىتتا قۇقىق قورعاۋ ورگاندارىمەن بىرلەسىپ، ۇستاپ الۋدىڭ بارلىق فاكتىلەرى بويىنشا تەكسەرۋ جۇرگىزىلىپ، زەردەلەنۋدە. ۇستاپ الۋ فاكتىلەرىن انىقتاۋداعى نەگىزگى پروبلەمالار جۋرناليستەردە ايىرىم بەلگىلەرىنىڭ بولماۋى بولىپ تابىلادى، بۇل ولارعا قاتىستى كاسىبي قىزمەتتەرىن جۇزەگە اسىرۋعا رۇقسات بەرۋدە پروبلەما تۋدىردى", — دەپ جازدى ءباسپاسوز قىزمەتى.
بۇدان باسقا، وقيعالاردىڭ كورسەتىلگەن كەزەڭىندە باق-تىڭ جەكەلەگەن وكىلدەرى قازاقستان رەسپۋبليكاسىندا «بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭنامانى بۇزۋ فاكتىلەرى بويىنشا، سونداي-اق توتەنشە جاعداي كەزىندە قۇقىقتىق ءتارتىپتى بۇزۋعا يتەرمەلەيتىن ارەكەتتەرى جانە تىكەلەي وزدەرىنىڭ كاسىبي قىزمەتتەرىن جۇزەگە اسىرماعانى ءۇشىن ۇستالعانى تۋرالى حابارلاندى.
"مينيسترلىك توتەنشە جاعداي رەجيمىنىڭ تالاپتارىنا تۇسىنىستىكپەن قاراۋعا جانە قاتاڭ ساقتاۋعا، سونداي-اق بۇقارالىق ءىس-شارالاردى جاريا ەتۋ كەزىندە جۋرناليستەردىڭ ايىرىم بەلگىلەرىنە يە بولۋعا شاقىرادى. اتالعان ماسەلە مينيسترلىكتىڭ تۇراقتى باقىلاۋىندا", — دەدى مينيسترلىك.
"ادىرنا" ۇلتتىق پورتالى.
