ҚР Ақпарат және қоғамдық даму министрлігі БАҚ саласындағы уәкілетті орган және әрқашан БАҚ өкілдерін қолдау жөніндегі ұстанымдарды ұстанатынын мәлімдеді, – деп хабарлайды "Адырна" ұлттық порталы ҚР Ақпарат және қоғамдық даму министрлігі баспасөз қызметіне сілтеме жасап.
Министрлік мәлімдемесінде бүгінгі таңда ел аумағында БАҚ өкілдері үшін тиісті айырым белгілері бекітілген бейбіт жиналыстарда журналист (бұқаралық ақпарат құралдарының өкілі) қызметінің қағидалары қолданылатыны жазылды.
"Кеудеше, жеңдегі таңғыш, жапсырма журналистің айырым белгілерінің нысандары болып табылады. Көрсетілген айырым белгілерін тағып жүру кезінде олардың анық көрінуін қамтамасыз ету қажет. Министрлік БАҚ өкілдерін ұстап алудың әрбір жағдайын мұқият тексереді. Қазіргі уақытта құқық қорғау органдарымен бірлесіп, ұстап алудың барлық фактілері бойынша тексеру жүргізіліп, зерделенуде. Ұстап алу фактілерін анықтаудағы негізгі проблемалар журналистерде айырым белгілерінің болмауы болып табылады, бұл оларға қатысты кәсіби қызметтерін жүзеге асыруға рұқсат беруде проблема тудырды", — деп жазды баспасөз қызметі.
Бұдан басқа, оқиғалардың көрсетілген кезеңінде БАҚ-тың жекелеген өкілдері Қазақстан Республикасында «Бейбіт жиналыстарды ұйымдастыру және өткізу тәртібі туралы» заңнаманы бұзу фактілері бойынша, сондай-ақ төтенше жағдай кезінде құқықтық тәртіпті бұзуға итермелейтін әрекеттері және тікелей өздерінің кәсіби қызметтерін жүзеге асырмағаны үшін ұсталғаны туралы хабарланды.
"Министрлік төтенше жағдай режимінің талаптарына түсіністікпен қарауға және қатаң сақтауға, сондай-ақ бұқаралық іс-шараларды жария ету кезінде журналистердің айырым белгілеріне ие болуға шақырады. Аталған мәселе министрліктің тұрақты бақылауында", — деді министрлік.
"Адырна" ұлттық порталы.
