QR Aqparat jáne qoǵamdyq damý mınıstrligi BAQ salasyndaǵy ýákiletti organ jáne árqashan BAQ ókilderin qoldaý jónindegi ustanymdardy ustanatynyn málimdedi, – dep habarlaıdy "Adyrna" ulttyq portaly QR Aqparat jáne qoǵamdyq damý mınıstrligi baspasóz qyzmetine silteme jasap.
Mınıstrlik málimdemesinde búgingi tańda el aýmaǵynda BAQ ókilderi úshin tıisti aıyrym belgileri bekitilgen beıbit jınalystarda jýrnalıst (buqaralyq aqparat quraldarynyń ókili) qyzmetiniń qaǵıdalary qoldanylatyny jazyldy.
"Keýdeshe, jeńdegi tańǵysh, japsyrma jýrnalıstiń aıyrym belgileriniń nysandary bolyp tabylady. Kórsetilgen aıyrym belgilerin taǵyp júrý kezinde olardyń anyq kórinýin qamtamasyz etý qajet. Mınıstrlik BAQ ókilderin ustap alýdyń árbir jaǵdaıyn muqııat tekseredi. Qazirgi ýaqytta quqyq qorǵaý organdarymen birlesip, ustap alýdyń barlyq faktileri boıynsha tekserý júrgizilip, zerdelenýde. Ustap alý faktilerin anyqtaýdaǵy negizgi problemalar jýrnalısterde aıyrym belgileriniń bolmaýy bolyp tabylady, bul olarǵa qatysty kásibı qyzmetterin júzege asyrýǵa ruqsat berýde problema týdyrdy", — dep jazdy baspasóz qyzmeti.
Budan basqa, oqıǵalardyń kórsetilgen kezeńinde BAQ-tyń jekelegen ókilderi Qazaqstan Respýblıkasynda «Beıbit jınalystardy uıymdastyrý jáne ótkizý tártibi týraly» zańnamany buzý faktileri boıynsha, sondaı-aq tótenshe jaǵdaı kezinde quqyqtyq tártipti buzýǵa ıtermeleıtin áreketteri jáne tikeleı ózderiniń kásibı qyzmetterin júzege asyrmaǵany úshin ustalǵany týraly habarlandy.
"Mınıstrlik tótenshe jaǵdaı rejıminiń talaptaryna túsinistikpen qaraýǵa jáne qatań saqtaýǵa, sondaı-aq buqaralyq is-sharalardy jarııa etý kezinde jýrnalısterdiń aıyrym belgilerine ıe bolýǵa shaqyrady. Atalǵan másele mınıstrliktiń turaqty baqylaýynda", — dedi mınıstrlik.
"Adyrna" ulttyq portaly.
