Memleket basshysy Qasym-Jomart Toqaev qoǵamda qyzý talqylanyp jatqan atom elektr stanııasyn salý máselesin "referendým arqyly sheshken durys" dep málimdedi. Al referdýmda qandaı suraqtar qoıylady? «Qarsysyz ba, qoldaısyz ba?» degen saýaldan bólek, «AES-ty qaı memleket salǵan durys» degen suraq qoıyla ma?
«QARSYLASTARDYŃ QATARYNAN TABYLAMYN»
Qoǵamda AES-tyń salynǵany jón, biraq ony Reseı emes, Franııa, Japonııa nemese Ońtústik Koreıa sekildi memleketter salǵany jón degen pikir aıtylady. Referendýmda tórt memlekettiń birin tańdaý múmkindigi berilý kerek pe?
Mojarıtarlyq saılaý júıesi boıynsha Batys Qazaqstan oblysynan saılanǵan Abzal Quspannyń aıtýynsha, «AES-ty qaı memleket salý kerek?» degen suraq óte mańyzdy.
«Biraq men ondaı suraqtyń qoıylar-qoıylmasyn naqty bilmeımin. Áıtse de óz basym ekinshi suraq bolý kerek dep esepteımin. Bizge damyǵan ári keıin qaýipsizdik jaǵynan másele týdyrmaıtyn elder AES salý kerek. Mysaly, keıbir azamattar «AES salynsa salynsyn, biraq ony Reseı salmaýy kerek» dep sanaıdy. Bul pikirdi óz basym qoldaımyn», – deıdi ol.
Depýtattan «Úkimet AES-ti Reseıdiń salýyna jumys istep jatqan joq pa?» dep suradyq.
«Ázirge olaı dep oılaýǵa negiz joq. Biraq tap solaı bolatyn bolsa, qarsylastardyń qatarynan tabylamyn. AES-ty Qazaqstanǵa qaýip týdyrmaıtyn Franııa sekildi el salsa eken dep oılaımyn», – dedi ol.
«FRANIIa SALǴANYN QALAIMYN»
Al «Respýblıka» partııasynyń tóraǵasy ári májilis depýtaty Aıdarbek Qojanazarov AES-ti Reseıdiń salǵanyn qoldamaıtynyn aıtty.
"Meniń oıymsha, ekinshi suraq qoıylýy kerek. Buǵan deıin bul máseleni jýrnalıstpen talqylaǵan bolatynmyn. Negizi AES salyp jatqan memleket strategııalyq eshqandaı konflıkt týdyrmaıtyn memleket bolýy kerek. Iaǵnı, erteń kúni ol memleket qıyndyq týdyrmaýy jáne eń bastysy tehnologııasy zaman talabyna saı ozyq bolýy kerek. Áıtse de "AES-ty qaı memleket salý kerek?" degen suraqqa jaýap berý úshin bilikti maman bolý kerek qoı. Emoıonaldyq suraq bolmaýy kerek. Mysaly Franııa, Ońtústik Koreıa AES salatyn bolsa, siz qaısyn tańdaısyz? Reseıdi ádeıi aıtpaı otyrmyn", – dedi partııa tóraǵasy.
Aıdarbek Qojanazarov AES-ti Reseıden basqa tájirıbesi mol Japonııa, Franııa sııaqty memleket jaqsy salatynyn eskertti. Áıtse de saıasatker eki memlekettiń birin tańdaý kerek bolsa, Franııanyń AES salǵanyn qoldaıtynyn jetkizdi.
«BIR SURAQPEN ShEKTELMEÝ KEREK»
Abzal Quspan men Aıdarbek Qojanazarovtan qaraǵanda «Amanat» partııasynyń depýtattary asa saq sóıleýge tyrysty. Máselen Elnur Beısenbaev «AES-ti qaı memleket salý kerek?» degen suraqtyń kún tártibinde turmaǵanyn aıtty.
«Birinshi, eń tómengi deńgeıde ár aýyl, aýdan turǵyndarynyń qatysýymen qoǵamdyq tyńdaý ótkizemiz. Ol qoǵamdyq tyńdaýǵa ekologtardan bastap, energetıkter sekildi bilikti azamattar atsalysý kerek. Odan keıin siz aıtqandaı Franııa, Japonııa, Reseı sekildi elderden sapaly oıyn aıtatyn halyqaralyq ekspertterdi shaqyrý kerek. Ekinshi suraq qoıylý qajet pa, joq pa, ony aqyldasý kerek. Men bir suraqpen shektelý qajet emes dep esepteımin. AES salý boıynsha birneshe suraq bolýy múmkin. Onyń ishinde «AES-ty salý qajet pe, qajet emes pe?», «AES-ty qaı jerde salý kerek?» jáne AES-ke bólinetin qarjy da nazardan tys qalmaý kerek», – deıdi ol.
Serik Joldasbaı
«Adyrna» ulttyq portaly
