Erlikke para-par is

4677
Adyrna.kz Telegram

QR UQK Shekara akademııasynyń 2011 jylǵy túlegi maıor Aqybaev Baýyrjan Myrzabekuly oılamaǵan jerden belgisiz azamattyń zańsyz áreketin áshkereledi. Kózi qaraqty oqyrmanǵa túsinikti bolý úshin oqıǵa jelisine toqtalaıyq.

2021 jyldyń qarashasynda shamamen saǵat keshki 23.00 kezinde jeke jumystarymen júrgen áriptesimizdiń qasyna belgisiz bir azamat kelip jaǵdaıyn aıtyp kóligimen jaqyn mańdaǵy Kaspıı banktiń bólimsheleriniń birine aparyp tastaýdy ótinedi. Oıynda eshteńe joq shekarashy kóligine otyrǵyzyp jolaýshyǵa kómektespekshi bolady. Jol ústinde álgi azamat óziniń jeke basynda qýanyshty jaǵdaı bolyp jatqanyn jáne aqshasy taýsylǵanyn, uıaly telefonynyń buǵattalyp qalǵany men qýaty taýsylyp bara jatqanyn sóz etip, taǵy da kómektesýin ótinedi. Qozǵalys barysynda maıor B.Aqybaev onymen áńgimelesip odan alǵan málimetter boıynsha ishteı taldaý jasap, kúdiktiniń ár bir is-qımylyn jiti baqylaı bastaıdy.  Kaspıı bankke jete bergende jańaǵy jigit óziniń tólemaqy kartasynan aqsha sheshe almaı turǵanyn tilge tıek etip, Baýyrjannyń uıaly baılanysyndaǵy «Kaspıı  bank» qosymshasy arqyly  sheship berýin ótinip aqshalaı (120 000 teńge) aýdarady. Baýyrjan Myrzabekuly kánigi shekarashy emes pe, atalmysh azamattyń ár is-áreketin muqııat baqylap,  kúdiktendi de, ony polıııa bólimine tapsyrýǵa bel býady. Sodan keıin ony túsirip, óziniń ómiri men densaýlyǵyna qaýip tónip turǵanyna qaramastan qoıan-qoltyq urys ádisterin qoldaný arqyly qolyn burap turyp artyna qaıyrady. Dereý patrýldik polıııany shaqyryp, istiń mán-jaıyn egjeı-tegjeıli baıandaıdy.

Polıııa qyzmetkerleri kelip kúdiktini Almaty qalasy Áýezov aýdandyq polıııa bólimine jetkizip, onyń rasymen de buryn isti bolǵan qylmysker ekenin anyqtaıdy. Keıinnen belgili bolǵandaı álgi azamat dál sol kúni keshki saǵat 21.30-dar shamasynda «Saıran» avtobeketiniń mańaıynan bireýdiń uıaly telefonyn urlap, onyń ishindegi «Whats up» áleýmettik jelisi arqyly telefon ıesiniń anasymen ulynyń atynan sóılesip, óziniń polıııaǵa túsip qıyn jaıdaıǵa tap bolǵanyn, sol úshin shuǵyl túrde aqsha kerektigin aıtyp, alaıaqtyq jolmen aqsha aýdarymdaryn júzege asyrǵan eken. Qosymsha tergeý-tekserý amaldarynyń nátıjesinde atalmysh qylmyskerdiń basqa da birneshe qylmystyq isterge qatysy bar ekeni anyqtalady.

Joǵaryda baıandalǵan aqparattarǵa baılanysty Almaty qalasynyń polıııa departamenti Almaly aýdandyq polıııa basqarmasy janyndaǵy bólimi QR UQK Shekara akademııasynyń bastyǵy polkovnık P.Polıvanovqa joǵary basshylyq aldynda maıor Aqybaev Baýyrjan Myrzabekulyna qylmyskerdi anyqtap quryqtaý kezinde batyldyq pen erjúrektilik tanytqany úshin Qazaqstan Respýblıkasy UQK Tóraǵasynyń quqyǵymen marapattaýdy usynypty.

Búginde maıor B.Aqybaev Shekara akademııasynyń 1-fakýlteti (arnaıy taktıkalyq) 1-arnaıy kafedrasynyń (Shekara qyzmetiniń taktıkasy) oqytýshysy. Ózine júktelgen jaýapty mindetti abyroıly atqarýǵa daǵdylanǵan Baýyrjan Myrzabekuly  qandaı jaǵdaı bolsa da adamdarǵa qol ushyn sozyp kómektesýge daıyn ekenin aıtady.

«Bireýdiń balasyna zııanym tıip obalyna qaldym ba, osy isim durys pa, burys pa dep oılanyp júrgenin jetkizdi.  Menen basqa bireý bolsa da osyndaı áreketke barar ma edi?», - deıdi ol bizge bergen suhbatynda oıly júzben.

Sózdiń shyny kerek, negizinde mundaı qaýiptiligi basym táýekelge ekiniń biri bara bermeıtini anyq. Áıtse de, shekarashy qoǵamdyq qaýipsizdiktiń aldyn alyp erlikke para-par is istegenin maqtan tutyp otyrǵan joq. Óz ómirin qaterge tigip, tanymaıtyn azamattyń qolyn qaıyryp quryqtaý erlik pe? Siz qalaı oılaısyz, oqyrman?

J.Jabyrbekov ,

QR UQK Shekara akademııasynyń

Baspasóz hatshysy

 

Pikirler