Qoǵam qaıratkeri, dintanýshy, Muhamedjan Tazabekov óz otbasy týraly jurt aýzynda júrgen qaýeset áńgimelerge jaýap berdi, dep habarlaıdy “Adyrna” ulttyq portaly.
Qoǵam qaıratkeri bul týraly ”Talqylaıyq” baǵdarlamasynda baıandady.
Muhamedjan Tazabekov jaıly aıtylar áńgime kóp. Biri ony adasýshylyq baǵytta júrdi dese, endi biri kóp áıeli bar dep sóz etedi.
“Meniń bir ǵana áıelimnen alty balam bar. Bir ǵana zańdy áıelim bar. Eki-úsh áıeli bar degen jalǵan áńgime. Bar nárseni joq dep jaltarmaımyn ǵoı. Toqal alatyn josparym da joq. Eger taǵdyrǵa jazylǵan bolsa, onda bolady. Eger qýyp júrseń de, sol nárseni ańsap júrseń de, mańdaıyńa jazylmasa, onda ol bolmaıdy. Meniń ártúrli mıssııam bar. Qoǵam qaıratkeri retinde, otbasyndaǵy maqsatym bar. Otbasynda jaqsy áke bolý, jaqsy kúıeý bolý. Jaqsy adamǵa turmysqa shyqqan ekenmin dep áıeliń súısinetin joldas bolý. Sonymen qatar qoǵamǵa paıdańdy tıgizý”, – dedi qoǵam qaıratkeri.
Aıtysker-aqyn óziniń din jolynda qateleskenin moıyndaıdy. Alaıda bul adasýshylyq emes dep aqtaldy.
“Adyrna” ulttyq portaly
