Almatylyqtar mereke qarsańynda sherý ótkizýge ruqsat aldy, dep habarlaıdy "Adyrna" tilshisi.
Qoǵam belsendisi Bıbinur Sheralıeva Facebook jelisindegi paraqshasynda bastamashyl toptyń mıtıng ótkizýge ákimdikten ruqsat alǵanyn jazyp, jazba jarııalady.
Onyń aıtýynsha sherý barysynda áıelderdiń ómirine qatysty ózekti taqyryptar aıtylmaq.
"Biz Almaty qalasynyń ákimdigine 7 naýryz kúni M.Gandı saıabaǵynda "Áıelderdiń laıyqty ómiri úshin. Za dostoınýıý jızn jenın!" taqyrybynda mıtıng ótkizýge habarlama bergen bolatynbyz. Bizdiń bergen habarlamaǵa ákimdik tarapynan ruqsat berildi.
Osyǵan baılanysty sizderdi 7 naýryz kúni saǵat 12:00-de M.Gandı saıabaǵynda ótetin is-sharaǵa qatysýǵa shaqyramyn. Mıtıng barysynda qoǵamdaǵy áıelderdiń ózekti máseleleri kóteriledi. Sonymen qatar áıelderdiń laıyqty ómiri úshin qajetti talaptar aıtylady", - dedi belsendi Sheralıeva.
