2022 jyldyń birinshi jartyjyldyǵynda ıpotekany erlerden góri áıelder jıi rásimdegen, dep habarlaıdy "Adyrna".
Krisha.kz málimetinshe, Qazaqstandaǵy ıpotekalyq qaryz alýshylardyń jartysynan kóbi – áıelder, olarǵa berilgen qaryzdardyń 55%-dan astamy tıesili. Ipoteka rásimdegen áıelderdiń 25%-y – 30-44 jastaǵylar. Al 12%-y – 30 jasqa deıingi áıelder jáne 18%-y – 45 jastan asqandar.
Al ıpotekalyq qaryz alǵan erlerdiń 14,6%-y – 30 jasqa deıingiler.30-44 jastaǵylar ıpoteka rásimdeýshilerdiń 21,2%-yn qurasa, 9,3%-y – 45 jastan asqar erler.
Ipoteka rásimdegenderdiń kóbinese 15-20 mln teńge (barlyq kólemniń 24,8%-y) nesıe alǵan. 10-15 mln teńgeden az alǵandardyń úlesi – 21,9 %
Sarapshylar ótken jyldarmen salystyrǵanda aı saıynǵy tólemder kóleminiń tómendegenin atap ótti. Bul nesıe berý merziminiń ulǵaıýyna baılanysty.
Eger 2021 jyly ortasha kórsetkish 145,3 myń teńge bolsa, 2020 jyly – 155,7 myń bolsa, bıylǵy jyldyń alty aıynda – 136,1 myń teńge.
