Elbasy el tizginin qolyna alǵan alǵashqy kúnnen-aq bastap, qıyn kezeńde elimizdiń bilim salasyna kóp kóńil bóldi. Májilisiniń depýtaty, Nur Otan partııasy frakııanyń múshesi Juldyz Súleımenova Nursultan Nazarbaevtyń «Táýelsizdik taǵylymy» atty maqalasyna oraı osyndaı pikir bildirdi.
Juldyz Súleımenovanyń aıtýynsha, Elbasy maqalasynda elimizdiń Táýelsizdiginiń qasterli ekendigin, aıaýly ekendigin jáne ony kózimizdiń qarashyǵyndaı qorǵaý – eń basty mindetimiz ekenin tarıhtyń tolǵanysty sátterimen jetkizgen.
«Barlyǵymyz táýelsizdik alǵan 90-shy jyldardyń kýágerimiz, men 1991 jyly mektep tabaldyryǵyn attaǵan oqýshy edim. Táýelsizdikpen ósip, egemendikpen er jettik. Qandaı qıyn kezeńdi artqa tastap, búginde qaı sala bolmasyn aýyz toltyryp aıtarlyq jetistikterimiz bar. Osy jetistikterdiń artynda Elbasymyzdyń halqymyz úshin jasaǵan mańyzdy memlekettik sheshimderi ári batyl reformalary tur.
Elbasy el tizginin qolyna alǵan alǵashqy kúnnen-aq bastap, qıyn kezeńde elimizdiń bilim salasyna kóp kóńil bóldi. Sonyń arqasynda bilim jáne ǵylym elimizde jańasha qarqynmen damydy. Memleketimizdegi bilim salasyna qatysty saıasat áý bastan durys júrgizildi. Tuǵyrly Táýelsizdigimizdiń alǵashqy kezeńinen Elbasy memleket damýynyń negizgi mejesi ári temirqazyǵy retinde – bilim men ǵylym salasyn aıqyndady. Únemi jańashyldyqqa umtyldy, sóıte tura óz mentalıtetimizdi, biregeı bolmysymyzdy joǵaltpaýǵa kóp nazar aýdardy», - dedi depýtat.
