Aqyrtas kesheni VIII-HII ǵ.ǵ. úlken biteý tastardan turǵyzylǵan ortaǵasyrlyq saraıy kesheni. Bul tarıhı keshen – kúrdeli qupııaǵa toly alyp nysan. Tipten munyń qurylysyna qarap eriksiz tań qalmasqa amalyń joq. Onyń 70-ke jýyq bólmeleri bar bolǵan. 15 kolonna galereıasy men ortada jarty gektar ashyq alańy bar,syrt qabyrǵalarynyń eni 5 metr bolyp, irge tasy 2 metr tereńdikke qazyp ornatylǵan iri tas bloktarmen qalanǵan. Aqyrtas kesheni - kúrdeli qupııaǵa toly nysan retinde Egıpet keremetteri, Afıny Akropoldary, Rım kolızeıi, Perýdegi Maııa saraılary jáne Antıkalyq ańyzdarmen deńgeıles jatqan alyp qurylys deńgeıinde baǵalanýda. Arheologııalyq jáne arhıtektýralyq zertteýlerdiń nátıjesinde Aqyrtas mańynan birneshe nysandar tabyldy. Kerýen saraı kesheni, monýmentaldy qurylys, uzyn jaqtarymen soltústikten ońtústikke qaraı baǵyttalǵan.
Uly Jibek Joly boıynda ornalasqan Aqyrtas kesheni 2014 jyly 25 maýsymda Katar memleketiniń Doha qalasynda ótken IýNESKO-nyń 38 sessııasy barysynda Búkilálemdik Mádenı Muralar tizimine engizildi.
“Rýhanı jańǵyrý” baǵdarlamasy aıasynda
Jambyl oblysy ákimdiginiń mádenıet,
arhıvter jáne qujattama basqarmasy men
“Adyrna”ulttyq portalynyń birlesken jobasy
