اقىرتاس كەشەنى ءVىىى-ءحىى ع.ع. ۇلكەن بىتەۋ تاستاردان تۇرعىزىلعان ورتاعاسىرلىق سارايى كەشەنى. بۇل تاريحي كەشەن – كۇردەلى قۇپياعا تولى الىپ نىسان. تىپتەن مۇنىڭ قۇرىلىسىنا قاراپ ەرىكسىز تاڭ قالماسقا امالىڭ جوق. ونىڭ 70-كە جۋىق بولمەلەرى بار بولعان. 15 كولوننا گالەرەياسى مەن ورتادا جارتى گەكتار اشىق الاڭى بار،سىرت قابىرعالارىنىڭ ەنى 5 مەتر بولىپ، ىرگە تاسى 2 مەتر تەرەڭدىككە قازىپ ورناتىلعان ءىرى تاس بلوكتارمەن قالانعان. اقىرتاس كەشەنى - كۇردەلى قۇپياعا تولى نىسان رەتىندە ەگيپەت كەرەمەتتەرى، افينى اكروپولدارى، ريم كوليزەيى، پەرۋدەگى مايا سارايلارى جانە انتيكالىق اڭىزدارمەن دەڭگەيلەس جاتقان الىپ قۇرىلىس دەڭگەيىندە باعالانۋدا. ارحەولوگيالىق جانە ارحيتەكتۋرالىق زەرتتەۋلەردىڭ ناتيجەسىندە اقىرتاس ماڭىنان بىرنەشە نىساندار تابىلدى. كەرۋەن ساراي كەشەنى، مونۋمەنتالدى قۇرىلىس، ۇزىن جاقتارىمەن سولتۇستىكتەن وڭتۇستىككە قاراي باعىتتالعان.
ۇلى جىبەك جولى بويىندا ورنالاسقان اقىرتاس كەشەنى 2014 جىلى 25 ماۋسىمدا كاتار مەملەكەتىنىڭ دوحا قالاسىندا وتكەن يۋنەسكو-نىڭ 38 سەسسياسى بارىسىندا بۇكىلالەمدىك مادەني مۇرالار تىزىمىنە ەنگىزىلدى.
“رۋحاني جاڭعىرۋ” باعدارلاماسى اياسىندا
جامبىل وبلىسى اكىمدىگىنىڭ مادەنيەت،
ارحيۆتەر جانە قۇجاتتاما باسقارماسى مەن
“ادىرنا”ۇلتتىق پورتالىنىڭ بىرلەسكەن جوباسى
