Qalanyń shetindegi «Aqjar» jáne «Aqtas» shaǵynaýdanynda vakına egý jumystary qarqyn aldy. Aqtastaǵy №61 mektepte qazir 300-den asa oqýshy bilim alady. Bilim uıasyndaǵy oqýshylarǵa profılaktıkalyq jumystardy der kezinde júrgizý úshin munda egý beketiniń jumysy uıymdastyrylǵan. №11 emhana mamandary búgin medıınalyq kabınette alǵash ret oqýshylarǵa Pfizer preparatyn saldy.
«Perzentimniń qaýipsizdigi úshin men búgin mektepke arnaıy kelip, balama vakına saldyrdym. Vakınaııalaý kezinde ulymnyń qasynda boldym. Balam 9 synypta oqıdy», - deıdi Jannur Begmaǵanbetova.
Aqjardaǵy medıınalyq uıymda da búgin №11 emhana mamandary bala emizetin analar men júkti áıelderge ekpe salyp berdi. Óz erkimen ekpe alýǵa kelgen analardy dárigerler aldymen medıınalyq tekserýden ótkizip, vakınany engizý algorıtmin túsindirip berdi.
Qalalyq №11 emhananyń bas dárigeri Qanat Týmanovtyń aıtýynsha, emdeý mekemesi aýmaǵynda 10 mektep bar. Bilim uıalarynyń barlyǵynda egý beketteri jumys isteýde.
«№11 emhanada tirkeýde 12-18 jas aralyǵyndaǵy 4602 jasóspirim bar. Sondaı-aq, bala emizetin 556 jáne 344 júkti áıel bar. Búgin biz jospar boıynsha 12 azamatqa Pfizer preparatyn salyp berdik. Vakına alýy tıis toptaǵy paıentterge aǵartý jumystary tolyǵymen júrgizildi. Densaýlyq jaǵdaıy men paıenttiń kelisimi bolsa, medıına mamandary vakına salyp berýge daıyn», - deıdi Q.Týmanov.
Aıta keteıik, 15 qarashadan bastap Shymkentte Pfizer preparatymen egý jumystary júrgizilýde. Eki kún ishinde qalada 173 adam Pfizer vakınasyn saldyrǵan. Vakına alǵandardyń ishinde 133-i jasóspirim, 28-i júkti áıel jáne 12-si bala emizetin ana. Dárigerlerdiń sózinshe, ekpe alǵandardyń arasynda keri reakııa bolǵan jaǵdaı tirkelmedi.
