Baibek: Täuelsızdıgımızdıŋ tūǧyryn nyǧaityp, eldıgımızdı ornyqty ettık

Elordada «Nur Otan» partiiasynyŋ qoldauymen QR Mädeniet jäne sport ministrlıgı men Nūr-Sūltan qalasy äkımdıgınıŋ ūiymdastyruymen «Täuelsızdık – qasietım, qasterlım!» atty «Altyn dombyra» respublikalyq aqyndar aitysy bastaldy. Ekı künge sozylatyn alaman el Täuelsızdıgınıŋ 30 jyldyǧyna orailastyrylyp otyr.   Dübırlı dumanda söz alǧan «Nur Otan» partiiasy Töraǧasynyŋ Bırınşı orynbasary Bauyrjan Baibek el Täuelsızdıgınıŋ män-maŋyzy men ūlt mädenietın örkendetudegı yqpalyna keŋınen toqtaldy.  

«Bız qysqa uaqytta ǧasyrǧa tatityn joldy jürıp öttık. Tūŋǧyş Prezident – Elbasy Nūrsūltan Äbışūly Nazarbaevtyŋ basşylyǧymen qol jetken tabystarymyz orasan. Eŋ bastysy, Täuelsızdıgımızdıŋ tūǧyryn nyǧaityp, eldıgımızdı ornyqty ettık. Memlekettılıktı baiandy eter auqymdy ıster jolǧa qoiyldy. Aitystyŋ ūlttyq öner retınde saqtaluy, ruhaniiatymyzǧa erkın jol aşyluy da – Täuelsızdıktıŋ arqasy. Elbasy Nūrsūltan Äbışūly uaqytynda «Mädeniet – ūlttyŋ bet-beinesı, ruhani bolmysy, aqyl-oiy, parasaty» dep atap körsetıp, örkeniettı ūlt özınıŋ töl mädenietı arqyly ǧana basqa elderge tanylatynyn aitty. Täuelsızdık alǧan sätten bastap ūlt mädenietıne ūdaiy qamqorlyq tanytyp, memlekettık qoldau körsettı. Arnaiy «Mädeni mūra» baǧdarlamasyn ūsynyp, onyŋ aiasynda qanşama qūndy jädıgerler, jazba derekter jinaqtalyp, ruhani qazynamyzdy baiytty, köptegen mädeni oşaqtar jaŋǧyrtyldy. Elbasynyŋ būl auqymdy jobasy keiınnen «Ruhani jaŋǧyru», «Ūly Dalanyŋ jetı qyry» baǧdarlamalaryna ūlasqanyn Özderıŋız jaqsy bılesızder. Jaqynda Elbasymyz «Eldıktıŋ 7 tūǧyry» atty qaǧidattar jinaǧyn jariialady. 30 jyldyq damudy qorytyndylaǧan, keler ūrpaqqa amanat retınde aitylǧan būl Jetı tūǧyr – «Mäŋgılık El» boluǧa bastaityn naqty qaǧidattar», – dedı Bauyrjan Baibek.

  Sondai-aq ol «Nur Otan» partiiasynyŋ Saiasi tūǧyrnamasynda «qazaq tılın, mädeniet pen dästürdı damytu – strategiialyq basymdyǧy» ekendıgı naqty körsetılgenın alǧa tartty. Sonyŋ aiasynda partiia ūlttyq mädenietke, önerge, onyŋ ışınde aitysqa basymdyq berıp, ūdaiy qoldau körsetıp keledı. Ūlttyq qūndylyqtar baǧytyndaǧy ıs-şaralar «Ūlttyq mūra» partiialyq jobasy aiasynda toptastyrylyp, jüielendırılgen. Partiianyŋ sailaualdy baǧdarlamasy aiasynda biyldyŋ özınde 200-ge juyq mädeniet nysanyna jöndeu jūmystary jürgızıldı. Jyl basynan berı «Nur Otan»-nyŋ qoldauymen elımızde 49 aqyndar aitysy öttı.     Täuelsızdıkke qol jetkenge deiın jäne el egemendıgın alǧan alǧaşqy onjyldyqtaǧy qiyn künderdı aǧa buyn jaqsy bıletınıne toqtalǧan partiia Töraǧasynyŋ Bırınşı orynbasary, eŋ basty qūndylyǧymyz – Täuelsızdıktı nyǧaitu üşın eldıŋ bırlıgı men tūraqtylyq kerek ekenın basa aitty.   Mädeniet jäne sport ministrı Aqtoty Raiymqūlova ministrlık tarapynan ūlttyq önerdı qoldau baǧytynda atqarylyp jatqan ırgelı ıster men bolaşaq jobalary turaly aitty.  

«Kielı merekemızdıŋ qarsaŋynda elordamyzda ekı kün boiy ötkızıletın asyl qazynamyz, aqyndardyŋ jyr dodasyna qoş keldıŋızder! Ǧasyrdan ǧasyrǧa jalǧasyp kele jatqan halqymyzdyŋ kielı aitys önerın qūrmettep, jaŋǧyrtu, ony keiıngı jas ūrpaqtyŋ sanasyna sıŋıru – bızdıŋ mındetımız. Halyqtyŋ ruhani qazynasyna ainalǧan bügıngı jyr dodasy – aqyndardyŋ talantyn şyŋdaityn ülken öner jarysy. Biylǧy Täuelsızdıgımızdıŋ 30 jyldyǧy, jyr alaby Jambyl atamyzdyŋ 175 jyldyǧy siiaqty aituly merekeler aqiyq aqyndarymyzdyŋ şyǧarmalaryna şabyt qosyp, salmaqty da, oily sözdermen örıledı degen senımdemın. Bügınde mädeniet salasynda da töl önerımızdı, ūlttyq mädenietımızdı saqtap, keiıngı ūrpaqqa miras etu baǧytynda ülken jūmys atqarylyp jatyr», – dedı ministr.

Öz kezegınde, biyl mereilı jetpıs jasqa tolyp, aitystyŋ abyzy atanǧan Jürsın Erman el Täuelsızdıgınıŋ 30 jyldyǧyna orai ūiymdastyrylyp otyrǧan būl alamannyŋ būrynǧy aitystan jönı bölek ekenın jetkızdı.  

«Kök tuymyz töbemızde jelbırep tūrǧaly 30 jyl boldy! Būl 30 jyl – tarih üşın qasqaǧym sät bolǧanymen, Qazaqstan üşın ǧasyrǧa bergısız uaqyt. 30 jyl   būryn kartadan äreŋ tabylatyn Qazaqstan, qazır älem sanasatyn, eldıŋ bärı bıletın, osynda kelıp kelısım tabatyn, halyqaralyq airyqşa şaralardyŋ astanasyna ainalǧan uaqyt boldy. Būl jyldardyŋ ışınde Qazaqstan özının täuelsızdıgın ǧana jariialap qoiǧan joq, ruhani, äleumettık, ekonomikalyq derbestıgın de alyp, qaryştap damyp kele jatyr. Ony körgısı kelgen adam köredı. Qazır Qazaqstannyn halyqaralyq abyroiyna eşkım kümän keltıre almaidy. Osy 30 jyldyqtyŋ qarsaŋynda elımızdıŋ är jerınde ülken-ülken şaralar ötıp jatyr.  Solardyŋ bırı – bügıngı «Täuelsızdık – qasterlım, qasietım» dep atalatyn «Altyn dombyra» aitysy. Būl aitysqa biyl öŋırlerde ötken aitystardyŋ jeŋımpazdaryn jinadyq. Bärı de jyr alamandarynda eldıŋ ruhyn köterıp, basyn bırıktırıp, jaqsylyqty jyrlap jürgen naǧyz şaşasyna şaŋ jūqpaǧan jüirıkter», - degen Jürsın Erman alamanǧa tüsetın aqyndardy jeke-jeke tanystyrdy.

El Täuelsızdıgınıŋ 30 jyldyǧyna orai ūiymdastyrylyp otyrǧan alaman aitysta elımızdıŋ tükpır-tükpırınen kelgen 22 aitysker aqyn özara saiysqa tüsude. Olardyŋ arasynda halyqaralyq jäne respublikalyq aitystardyŋ jeŋımpazdary, «Altyn dombyra» iegerlerı Bekarys Şoibekov, Rüstem Qaiyrtai, Aspanbek Şūǧataev, Jansaia Musina, sonymen qatar aitys aqtaŋgerlerı Erkebūlan Qainazarov, Serık Quanǧan, Şūǧaiyp Sezımhan jäne t.b. bar. Dodada top jaryp, «jüzden jüirık, myŋnan tūlpar şyqqan» jeŋımpazdar erteŋgı aqtyq saiysta anyqtalatyn bolady.   Atalǧan dübırlı dodanyŋ ädılqazylar alqasyna körnektı öner qairatkerı, Qazaqstan jäne KSRO Halyq artisı, Memlekettık syilyqtyŋ iegerı – Asanälı Äşımov töraǧalyq etedı. Sondai-aq qazylar qūramynda aitys aqyny, Qazaqstannyŋ halyq aqyny Äsiia Berkenova, üş dürkın «Altyn dombyra» iegerı Mūhtar Niiazov, aitysker aqyn, Qazaqstannyŋ eŋbek sıŋırgen qairatkerı Amanjol Ältaev jäne özge de öner, qoǧam qairatkerlerı bar.

"Adyrna" ūlttyq portaly