Astanada būrynǧy Almaty äkımı Bauyrjan Baibekke tiesılı kolleksiialyq saǧattardy ūrlau deregı boiynşa qylmystyq ıs tergelıp jatyr, dep habarlaidy "Adyrna" tılşısı.
Polisiianyŋ mälımetınşe, saǧattardy ūrlady degen küdıkpen 31 jastaǧy er adam ūstalǧan. Qylmystyq ıs qozǧalyp, tergeu amaldary jalǧasyp jatyr.
BAQ-ta taraǧan aqparatqa säikes, küdıktı Baibekke qarasty qyzmetkerdıŋ kömekşısı bolǧan jäne onyŋ üiıne kırıp-şyǧuǧa mümkındıgı bolǧan. Üi ielerı şetelge ketken kezde ol qosalqy kılttı paidalanyp, tüpnūsqa saǧattardy aldyn ala satyp alǧan köşırmelerımen auystyrǧan degen boljam aitylǧan.
Habarlanǧan mälımet boiynşa, ūrlanǧan saǧattardyŋ arasynda Breguet, Blancpain, Hublot, Jaeger-LeCoultre jäne A. Lange & Söhne brendterınıŋ būiymdary bar. Olardyŋ jalpy qūny şamamen 90 mln teŋge dep baǧalanǧan.
Üi ielerı elge oralǧannan keiın saǧattardyŋ auystyrylǧanyn anyqtap, polisiiaǧa jügıngen.
Aita keteiık, Bauyrjan Baibek är jyldary Qazaqstan Respublikasynyŋ Bas konsuldyǧynda jäne Qazaqstan Respublikasynyŋ Germaniia Federativtık Respublikasyndaǧy Elşılıgınde diplomatiialyq qyzmet atqarǧan.
2002 jyldan bastap Qazaqstan Respublikasy Prezidentı Äkımşılıgınde bırqatar jauapty qyzmetterdı atqardy.
2006 jyly Qazaqstan Respublikasy Prezidentı Protokolynyŋ bastyǧy boldy.
2009 jyly Qazaqstan Respublikasy Prezidentı Äkımşılıgı Basşysynyŋ orynbasary qyzmetıne taǧaiyndaldy.
2013 jyldyŋ qaŋtarynan «Nūr Otan» partiiasy Töraǧasynyŋ bırınşı orynbasary qyzmetın atqardy.
2015-2019 jyldary Almaty qalasynyŋ äkımı boldy.
2019-2022 jyldary «Nūr Otan» partiiasy Töraǧasynyŋ bırınşı orynbasary qyzmetın atqardy.
