Bilim jáne ǵylym mınıstri A.Aımaǵanbetov pikirsaıys oıyndarynyń mektep oqýshylaryna degen qajettiligin kórsetip, barlyq óńirde pikirsaıys qozǵalystaryn damytý ıdeıasyn kóterýdi tapsyrdy.
Soǵan oraı 15 qarashadan bastap Qazaqstan Respýblıkasy Bilim jáne ǵylym mınıstrliginiń «Respýblıkalyq qosymsha bilim berý oqý-ádistemelik ortalyǵy» RMQK bastamasymen jáne Almaty Qalasy Bilim Basqarmasynyń qoldaýymen Almaty qalasynyń bilim berý mekemelerinde debattyq qozǵalysty damytý aıasynda Bostandyq, Medeý, Naýryzbaı jáne Áýezov mektepteriniń bazasynda debatqa oqýshylardy jappaı tartý, debat klýbtaryn qurý arqyly olardyń yntasyn arttyrý, synı oılaý, kommýnıkaııa, sheshendik óner daǵdylaryn, logıkalyq dálel, taldaý, sheshim qabyldaý, syndarly dıalog júrgizý jáne t.b. maqsatynda debat qozǵalysynyń ózekti máseleleri boıynsha oqytý semınar-trenıngteri ótkizildi.
Almaly aýdany №46 gımnazııa, №134 lıeı, №67 JBBM jáne Naýryzbaı aýdany №200 gımnazııa, №186 JBBM, Bostandyq aýdany №21 gımnazııa, №92 lıeı, №63 JBBM, №70 JBBM mektepteri bazasynda júzege asty. Semınar-trenıngti pikirsaıysta jeti-segiz jyldyq tájirıbesi bar, qalalyq, oblystyq jáne respýblıkalyq týrnırlerde oryn alǵan pikirsaıysshylar júrgizýde.
Semınar teorııalyq jáne praktıkalyq bólimderden turady. Teorııalyq bólimde pikirsaıystyń mańyzdylyǵy men erejeleri, argýmentaııa qurý, saraptama, sondaı-aq pikirsaıys taktıkalary qarastyrylǵan. Praktıkalyq bólimde trenırler kórsetilim debat oıynyn kórsetip, artynsha oqýshylar túrli taqyryptar boıynsha pikirtalastyrdy. Logıkany jáne zerektikti damytatyn ıntellektýaldy oıyndar oınap, úı jumysyna ataqty pikirsaıysshylardyń oıynyn, pikirsaıys týraly fılmderdi taldady.
Kóshbasshylyq qabiletti damytý maqsatynda oqýshylar arasynda kishigirim prezıdenttik saılaý jasap, kandıdattar sheshendik pen sheberlikterin ortaǵa salady. Pikirsaıysshy-trenerler oqýshylarǵa kópshilik aldynda qorqynyshyn jeńip, senimdi ári naqty sóıleýdiń qyr-syrymen bólisti. Ár aýdan boıynsha semınar-trenıngti qorytyndylaý úshin ishki týrnır uıymdastyrylyp, qatysýshylar arasynan jeńimpaz anyqtalady.
Qazirgi tańda orys jáne qazaq lıgasynan barlyǵy 1000-ǵa jýyq bala qamtyldy. Bul joba 28 jeltoqsanǵa deıin jalǵasyn tabady. Osy ýaqyt aralyǵynda oqýshylar semınar-trenıng boıynsha jyly lebizderimen bólisip, keri baılanys jasady. Olar alǵan daǵdylaryn túrli salalarda paıdalaný jolyn túsindi. Tanym kókjıegin damytatyn kitaptar men beınejazbalar legimen tanysa otyryp, mektep baǵdarlamasynan tys bilim bazasyn jınaqtady.
Trenıngke qatysýshylar debat formattaryn úırendi. Aldaǵy ýaqytta Almaty qalasynda uıymdastyrylatyn ártúrli debat formattary boıynsha pikirsaıys týrnırlerine daıyn.
Semınar-trenıng nátıjesi boıynsha oqýshylar oı erkindigine qol jetkizip, “breınshtormıng”, “Mınto pıramıdasy” ádisteri arqyly kreatıvtilik pen jańa ıdeıalardy týyndatý joldaryn úırendi, til tazalyǵyn saqtap, sózin senimdi, dáıekti jetkize bastady.
