Bügın Jetısu oblysynyŋ volonterlary 25 jeltoqsanda Aqtau qalasyna taiau maŋda qūlaǧan «Baku-Groznyi» baǧytyndaǧy jolauşylar ūşaǧy apatynan zardap şekkenderge kömek körsetu maqsatynda Taldyqorǧandaǧy Qan ortalyǧyna baryp, qan tapsyrdy, - dep habarlaidy Jetısu oblysy äkımınıŋ baspasöz qyzmetı.
Oblystaǧy erıktı jastar alǧaşqylardyŋ bırı bolyp qan tapsyruǧa niet bıldırgen. Olar qiyn jaǧdaiǧa tüsken jandarǧa qan beru arqyly kömek körsetuge jora-joldastary men tanystaryn da şaqyruda.
- Aqtau qalasynda äue kemesınıŋ qūlaǧany turaly oqys jaŋalyq bärımızge auyr tidı. Apattan qanşama adam köz jūmdy, marqūmdardyŋ jany jannatta bolsyn deimız. Tırı qalǧandardyŋ tez sauyǧyp, aman-esen jaqyndaryna orlauyna kömegımız tisın dep, bügın qan tapsyruǧa keldık. Endı mūndai auyr jaǧdai qaitalanbasyn dep tıleimız, - dedı «Assambleia jastary» erıktıler tobynyŋ müşesı Zaida Qūrmaşeva.
Oblystyq qan ortalyǧynyŋ mälımetıne qaraǧanda, bügın saǧat 12.00-ge deiın 49 adam qan tapsyrǧan.
– Ortalyqqa äue apatynan jaraqat alǧan mūqtaj jandar üşın qan kömek tapsyramyz dep erıktı jastar kelıp jatyr. Äzırge Aqtaudaǧy qan tapsyru ortalyǧynda qan jetkılıktı. Eger jedel qan kerek dese bız kez kelgen uaqytta jıberuge daiynbyz, – dedı Oblystyq qan ortalyǧynyŋ direktory Marat Dosqaliev.
Jetısu oblysy tūrǧyndarynyŋ atynan ūşaq apatynda qaitys bolǧandardyŋ otbasylary men jaqyndaryna köŋıl aitamyz.
Ūqsas jaŋalyqtar
