AQSh prezıdenti Djo Baıden aqbas búrkitti ulttyq qus dep taný týraly zańǵa qol qoıdy, dep habarlaıdy “Adyrna” ulttyq portaly golosameriki-ge siltep.
“23 jeltoqsan, dúısenbi kúni Prezıdent Amerıka Qurama Shtattary Kodeksiniń 36-taraýyna túzetýler engizetin jáne aqbas búrkitti ulttyq qus dep jarııalaıtyn zańǵa qol qoıdy”, — delingen málimdemede.
Aqbas búrkit 1782 jyldan beri AQSh-tyń negizgi rámizderiniń biri bolyp sanalady. Onyń beınesi eltańbada, prezıdenttik standartta, banknottarda, memlekettik qujattarda jáne ulttyq korporaııalardyń logotıpterinde jıi qoldanylady. 1782 jyly AQSh Kongresi bul jyrtqysh qusty ulttyq sımvol retinde bekitken. Alaıda osy ýaqytqa deıin resmı zańdarda ulttyq qus retinde arnaıy bekitý qarastyrylmaǵan edi.
Bul zań AQSh-tyń tarıhı rámizderin zańnamalyq turǵyda naqtylaý jáne nyǵaıtý baǵytynda qabyldanǵan mańyzdy sheshim bolyp otyr.
