Densaýlyq jańalyqtary: Shymkent jastary donor bolýǵa belsendilik tanytýda

799
Adyrna.kz Telegram

Qalalyq qan ortalyǵyna bul joly tótenshe jaǵdaılar departamentiniń qyzmetkerleri, mádenıet salasynyń ónerpazdary, sportshylar, muǵalimder, rýhanı jańǵyrý ortalyǵynyń mamandary, joǵary jáne orta arnaýly oqý oryndarynyń stýdentteri, volonterler jáne belsendi jastar, jalpy sany 100-ge jýyq adam qan tapsyrýǵa jınaldy. Onyń ishinde talapqa saı kelgen 30-dan astam adam qan tapsyryp, qan quıýdy qajet etetin naýqastarǵa kómektesti.

– Jańa oqý jylyn ıgi ispen bastaýdy jón kórip, jastardy onyń ishinde stýdentterdi donorlyq akııaǵa shaqyryp otyrmyz. Joǵary jáne arnaýly oqý oryndarynyń shákirtterimen qatar, 10-ǵa jýyq mekeme qyzmetkerleri búgingi akııada belsendilik tanytýda. Ár úsh aıda osy ıgi shara jalǵasyn tabady. Ortalyǵymyzdyń birqatar qyzmetkeri donor retinde qan tapsyrýdy ádetke aınaldyrǵan. Basty maqsat – kómek qolyn sozý, - deıdi Jastar resýrstyq ortalyǵynyń dırektory
Erlan Aıtbaev.

Aıta keteıik, denniń saýlyǵymen qosa qan tapsyrý úshin birneshe talaptar bekitilgen. Qan tapsyrýǵa 18 jasqa tolǵan, salmaǵy 55 keliden asatyn densaýlyǵynda kináraty joq ár adam donor bola alady. Sonymen qatar, 48 saǵat buryn dári-dármekter men alkogoldi ónimderdi qabyldamaý jáne múmkindiginshe temeki shekpeý kerek.

Pikirler