Şymkentte «Belsendı ūzaq ömır süru ortalyǧynyŋ» zeinetkerlerı salauatty ömır saltyn nasihattauǧa jaŋa serpın berude. Apta saiyn qariialar Dendrosaiabaqta sportpen şūǧyldanyp uaqyttaryn paidaly ärı köŋıldı ötkızedı. Bügınde ortalyqta 445 zeinetkerımız türlı qyzmet türlerın aluda.
Şymkentte qarqyndy jüzege asyp jatqan «belsendı ūzaq ömır süru» ortalyǧy zeinetkerlerımızdıŋ bos uaqytyn tiımdı ötkızu üşın jäne salauatty ömır süruge şaqyryp, ömırge degen qūştarlyqtaryn arttyru maqsatynda qyzmet atqarady. Egde jastaǧy qariialarymyz şet tılın de meŋgerıp jür. Odan bölek, qolönermen ainalysyp, ortalyqtyŋ kıtaphanasynda süiıktı kıtaptaryn oqumen ötkızedı.
- Jūmyspen qamtu jäne äleumettık qorǧau basqarmasyna qarasty «belsendı ūzaq ömır ortalyǧynda» Şymkent qalasyndaǧy zeinet jasyna jetken tūrǧyndardy qabyldaidy. Eşqandai şekteu joq. Qyzmet aluşylar alǧaşqy ortalyqqa kelgende mındettı türde därıgerlık tekseruden (terapevt, kardiolog, nevropatolog, fizioterapevt) ötedı. Apta saiyn dendrosaiabaqqa baryp dene şynyqtyrumen jäne iogamen ainalysady. Sonymen qatar massaj, fizioterapiia, fitobar, tūzdy kenışı jäne t.b. qyzmet türlerın körsetedı,-deidı basqarma basşysy Balmarjan NarbekovaAita keteiık, Şymkent qalasy boiynşa zeinetkerler sany 82 603. «Asyl jürek» belsendı ūzaq ömır süru ortalyǧy jaiynda tolyq aqparat alu üşın 8 (7252) 53-02-08 telefonyna habarlasuǧa bolady.
