Táýelsizdigimizdiń 30 jyldyǵy qarsańynda Shymkentte jergilikti taýar óndirýshiler shyǵaratyn ónim túrleriniń kórmesi ashyldy. Qala ekonomıkasynyń tiregi sanalatyn 100-ge jýyq kásiporyn «Shymkent ónimderi» taqyrybymen aldaǵy úsh kún kóleminde jalǵasatyn kórmege óz taýarlaryn usyndy.
Táýelsizdik jyldarynda Shymkent qalasynyń ekonomıkasy túrlendi. Qalamyzda qurylys ındýstrııasy, mashına jasaý, munaı-hımııa, jeńil ónerkásip, tamaq óndirisi, tekstıl ónerkásibi, farmaevtıka, aýyl sharýashylyǵy ónimderin tereń óńdeý, taǵy basqa óndiristik salalar qalyptasty.
Kórmeniń ashylý rásimine qala ákimi Murat Áıtenov qatysyp, qala kásiporyndary shyǵaratyn ónim túrlerimen tanysty.
«Memleket basshysy bıylǵy Joldaýynda ekonomıkany ártaraptandyrý, óndiriletin taýarlardyń túrin kóbeıtip, eksport geografııasyn keńeıtý jóninde naqty tapsyrmalar berdi. Óńdeý ónerkásibiniń eksportyn kóbeıtý, eńbek ónimdiligin arttyrý nátıjesinde qalamyzdyń ónerkásip kólemi jyl aıaǵyna deıin 711,5 mlrd. teńgege jetedi, óndirilgen ónimniń 87 paıyzyn óńdeý ónerkásibi quraıdy. Qaladaǵy 4 óndiristik aımaqta 118 joba júzege asyp, 21 myńǵa jýyq jumys oryndary ashyldy. Bıylǵy jyldyń ózinde jańadan 5 joba júzege asyp, 203 jumys orny ashyldy», - dep atap ótti shahar basshysy.
Qalanyń óndiristik áleýetin arttyrýda jańadan 2 ındýstrıaldy aımaqtyń qurylysy bastalǵan. Onyń ishinde «Juldyz» ıdýstrıaldy aımaǵynda qurylys, metallýrgııa, farmaevtıka, jıhaz ónerkásibi shoǵyrlanatyn bolady. «Standart» jeke ındýstrıaldy aımaǵy shaǵyn jáne orta kásipkerlik sýbektileriniń óndiristik alańy retinde qyzmet kórsetpek. Munda zamanaýı qoımalar, shaǵyn óndiristik ehtar ashylatyn bolady.
Tamaq óndirisi salasynda aýylsharýashylyq ónimderin tereń óńdeýge basymdyq berildi. Bul baǵytta «Bozaryq» tamaq ónerkásibi aımaǵynyń ınjenerlik júıeleri júrgizilýde. Munda 23 mlrd.teńgeni quraıtyn 1 800 jumys ornymen 20-dan astam joba iske asyrylady. Qosymsha 198 gektar jerge agroındýstrıaldy aımaq qurý josparlandy. Munda ónerkásiptik jylyjaı keshenderi salynady.
Qalalyq orta bolýymyzǵa qaramastan, aýyl sharýashylyǵy ónimderiniń kólemin bıyl 37 mlrd. teńgege jetkizý josparlanǵan. Bul jyly jylyjaı, qarqyndy baý, mal bordaqylaý, et óńdeý boıynsha 15 ınvestıııalyq joba júzege asty. Jyl sońyna deıin osy sanattaǵy taǵy 10 joba iske qosylmaq. Shymkenttiń óndiristik qýatyn quraıtyn bul jobalar ishki naryqty otandyq mazmundy quraıtyn ónim túrlerimen tolyqtyrylyp, Qazaqstannyń eksporttyq áleýetin arttyrýǵa qyzmet etpek.
Shymkentte shyǵatyn ónimder kórmesi aldaǵy ýaqytta turaqty túrde ótetin tanystyrylymdyq sıpattaǵy alań retinde qyzmetin jalǵastyrady. Onyń aıasynda daıyn ónimderdi ótkizý naryǵyn qarastyrý, eksportqa beıimdelgen taýar túrlerin ilgeriletýge múmkindikter ashý, shyǵarylǵan ónimderdiń ST-KZ otandyq sapa standarty talaptaryna saı bolýyn uıymdastyrý, iskerlik baılanystardy arttyrý mindetteri boıynsha jumystar júrgiziledi.
