Qazaqstanda kólemi 5 Gbaıt faıl orta eseppen 5,83 Mbıt/sek jyldamdyqpen júkteledi. Bul kórsetkish boıynsha elimiz álem boıynsha 173-orynǵa turaqtady.5 Gbaıt faıldy júktep alýǵa 1 saǵat 57 mınýt qajet boldy.Bul týraly telekommýnıkaııalyq qyzmet provaıderlerin salystyrýǵa mamandanǵan Cable.co.uk brıtandyq basylymynyń baıandamasynda aıtyldy, dep habarlaıdy "Adyrna" ulttyq portaly.
Zertteýshilerdiń aıtýynsha, álemdegi eń jyldam ınternetti Ulybrıtanııaǵa tıesili Djersı aralynyń turǵyndary paıdalanady. Onda Internettiń ortasha jyldamdyǵy 274 Mbıt/s-tan asady. Sonymen qatar, reıtıngtiń alǵashqy bestiginde Lıhtenshteın (211,26 Mbıt/sek), Islandııa (191,83 Mbıt/sek), Andorra (164,66 Mbıt/sek) jáne Gıbraltar (151,34 Mbıt/sek) bar.
TMD elderi arasynda (barlyǵy 11 el) eń jaqsy kórsetkishti Reseı kórsetip otyr – ortasha eseppen elde 35,66 Mbıt/s jyldamdyq tirkeldi, bul jalpy esepte 66-orynǵa shyǵýǵa múmkindik berdi. Kelesi orynda: Ýkraına (25,26 Mbıt/s, 77-oryn), Belarýs (19,86 Mbıt/s, 92-oryn), Armenııa (18,05 Mbıt/s, 101-oryn), Grýzııa (13,83 Mbıt/s , 112-oryn), Qyrǵyzstan (7,44) Mbıt/s, 155-oryn), Ózbekstan (6,64 Mbıt/s, 166-oryn), Tájikstan (1,82 Mbıt/s, 211-oryn) jáne, saıyp kelgende, Túrkimenstan jalpy kesteni álemdegi eń baıaý ınterneti bar el retinde jabady - 0,50 Mbıt/s, jáne «qurmetti» 224 oryn. Munda bes gıgabaıttyq faıldy júktep alý úshin 22 saǵat 34 mınýttan astam ýaqyt ketedi.
"Adyrna" ulttyq portaly
