Túrkistan oblysynda 5 aı ishinde 55 myńǵa jýyq jańa jumys orny ashyldy. Bul týraly óńir ákimi Darhan Satybaldy Prezıdent janyndaǵy ortalyq kommýnıkaııalar qyzmetinde ótken baspasóz máslıhatynda aıtty, dep habarlaıdy «Adyrna» tilshisi.
«Oblysta bıyl 109 myń adam jumyspen qamtý sharalarymen qamtylady. 5 aıda 55 myńǵa jýyq jumys orny ashyldy. Onyń 27 myńy — turaqty. Bıyl Memleket basshysynyń «10 myń adamǵa 100 jańa jumys ornyn ashý» bastamasy aıasynda 12 myńǵa jýyq jumys orny quryldy»,—dedi ol.
