Türkıstan oblysynyŋ tūrǧynyna ūltaralyq arazdyqty qozdyryp, video tüsırgenı üşın halyqaralyq ızdeu jariialandy, dep habarlaidy «Adyrna» tılşısı.
Oblystyq polisiia departamentı 28 jastaǧy er adamnyŋ qazaq jäne özbek halyqtary ökılderınıŋ arasynda alauyzdyq tudyrǧanyn atap öttı.
«Būl faktı boiynşa QR Qylmystyq kodeksınıŋ 174-baby – "Äleumettık, ūlttyq, rulyq, näsıldık, taptyq nemese dıni arazdyqty qozdyru" boiynşa qylmystyq ıs qozǧalyp, küdıktıge halyqaralyq ızdeu jariialandy. Er adamnyŋ şetelde jürgenı anyqtaldy»,—delıngen habarlamada.Er adam äleumettık jelı arqyly köpşılıkten keşırım sūrady. «Barlyǧyŋyzdan keşırım sūraimyn. Qazaqstanda bıreumen-bıreu ūrysyp, kelıspeuşılık bolǧan emes. Qanşama dos, qanşama tanysym bar.. Söz auzymnan baiqausyzda şyqty»,—dedı ol. Būǧan deiın Türkıstan tūrǧyny özbek köterılse, qazaqtardyŋ jaǧdaiy qiyn bolatynyn aitqan edı.
Ūqsas jaŋalyqtar
