24 qarasha kúni Ál-Farabı atyndaǵy Qazaq ulttyq ýnıversıtetiniń Fılosofııa jáne saıasattaný fakýlteti fılosofııa kafedrasy jáne ál-Farabı Ortalyǵy Aǵyn Haırollauly Qasymjanovtyń 90 jyldyǵyna jáne Qazaqstan Respýblıkasy Táýelsizdiginiń 30 jyldyǵyna arnalǵan "AǴYN QASYMJANOV – ǴALYM-FILOSOF, FARABITANÝShY" atty halyqaralyq dóńgelek ústel ótkizedi.
Fılosofııa ǵylymdarynyń doktory, professor, Qazaqstan Respýblıkasy Ulttyq Ǵylym Akademııasynyń korrespondent-múshesi Aǵyn Haırollauly Qasymjanov ál-Farabıdiń fılosofııalyq oıy men murasy tarıhynyń teorııalyq máselelerin alǵashqy zertteýshilerdiń biri boldy. Onyń tikeleı qatysýymen 1993 jyly ál-Farabı atyndaǵy QazUÝ janynan ál-Farabı Ortalyǵy quryldy.
2003 jyldyń qazan aıynan bastap kórnekti ǵalym, oıshyl, tálimger A.H. Qasymjanovty eske alý maqsatynda fılosofııa kafedrasy A. H. Qasymjanovtyń týǵan kúnine arnalǵan "Qasymjanov oqýlary" halyqaralyq konferenııasyn ótkizedi.
Dóńgelek ústelde A.H. Qasymjanovtyń shyǵarmashylyǵy men tulǵasy, Qazaqstan qoǵamynyń rýhanı damýy konteksinde onyń Ál-Farabıdiń zııatkerlik murasyn zertteýge qosqan úlesi talqylanady.
Halyqaralyq dóńgelek ústel jumysyna Qazaqstannan, jaqyn jáne alys shetelderden A. H. Qasymjanovtyń shákirtteri men ǵalymdary qatysady.
«Adyrna» ulttyq portaly
