Mobıldi toptar qurylyp, bilim uıalaryn qadaǵalaýda

2194
Adyrna.kz Telegram

Oqý jylynyń bastalýyna 10 kún qaldy. Bıyl mektepter elimizdiń bas sanıtar dárigeri bekitken erejelerdi saqtaı otyryp, shtattyq rejımde jumys isteıdi. Qazirdiń ózinde arnaıy mobıldi toptar qurylyp, bilim uıalaryn qadaǵalaýǵa kirisken. Olardyń qatarynda bilim basqarmasynyń ókilderi, SES qyzmetkerleri men máslıhat depýtattary bar.

Bul Shymkenttegi №45 mektep. Munda eki myńnan astam oqýshy bilim alady. Endi olar jańa erejelerge sáıkes oqıdy. Qazirgi tańda mekteptiń kireberisinde týrnıket ornatylǵan. Aldymen kelýshilerdiń temperatýrasy ólshenip, sodan keıin «Ashyq» qosymshasymen tekseriledi. Munyń bári balalar men pedagogtardyń qaýipsizdigi úshin.

Mektep ujymy jańa erejelerge baǵynýǵa daıynbyz dep otyr. Tek oǵan halyq úırense bolǵany. Medıınalyq betperde men antıseptıkter qoljetimdi bolýy úshin kabınetter únemi kvartaýdy qajet etedi eken. Mektepterdiń daıyndyǵyn pysyqtaý maqsatynda qurylǵan mobıldi toptardaǵy máslıhat depýtattary synyptardy jeldetý júıesine qyzyǵýshylyq tanytty.

Halyq qalaýlylary ashanalarǵa erekshe nazar aýdarýdy surap otyr. Tamaqtaný ornynda árdaıym tártip pen tazalyq bolýy kerek deıdi.

Al, bul №64 mektep. Bul bilim ordasynyń oqýshylary buqaralyq sportty damytý maqsatynda uıymdastyrylǵan «Shymkent jastar lıgasynyń » jeńimpazy atanǵan. Mobıldi top músheleri mekteptiń jańa oqýlyqtary bar kitaphanalar men sport zalyn aralady. Jaqyn arada jańa álippe jetkiziledi dep josparlanyp otyr eken.

Álııa Jibekqyzy: «Mine, orys tili, ózin-ózi taný, mýzyka jáne endi álippeni kútýdemiz»

Bul mekteptegi mundaı monıtorlar oqýshylarǵa yńǵaıly bolý úshin ár synypta ornatylǵan. Sol arqyly beınerolıkterdi tamashalap, prezentaııalar jasaýǵa múmkindik bar. Sondaı-aq áleýmettik jeli de qol jetimdi.

Mektepterge qatysty aıtarlyqtaı eskertýler joq deıdi depýtattar. Aldaǵy ýaqytta da bilim uıalaryn aralaý jumystary qarqyndy júrgiziletinin alǵa tartty.

Tóreaıym Sultanova, Shymkent qalalyq máslıhatynyń depýtaty: «Bizdiń mektepter oqý jylyna daıyn dep sanaımyn, endi bastysy ata-analar balalardy baqylap otyrýy kerek. Biz mundaı tekserýlerdi únemi júrgizemiz».

Aıta keteıik, monıtorıngtik top aralaǵan mektepter arasynda zań buzýshylyqtar baıqalmady.

Pikirler