وقۋ جىلىنىڭ باستالۋىنا 10 كۇن قالدى. بيىل مەكتەپتەر ەلىمىزدىڭ باس سانيتار دارىگەرى بەكىتكەن ەرەجەلەردى ساقتاي وتىرىپ، شتاتتىق رەجيمدە جۇمىس ىستەيدى. قازىردىڭ وزىندە ارنايى ءموبيلدى توپتار قۇرىلىپ، ءبىلىم ۇيالارىن قاداعالاۋعا كىرىسكەن. ولاردىڭ قاتارىندا ءبىلىم باسقارماسىنىڭ وكىلدەرى، سەس قىزمەتكەرلەرى مەن ءماسليحات دەپۋتاتتارى بار.
بۇل شىمكەنتتەگى №45 مەكتەپ. مۇندا ەكى مىڭنان استام وقۋشى ءبىلىم الادى. ەندى ولار جاڭا ەرەجەلەرگە سايكەس وقيدى. قازىرگى تاڭدا مەكتەپتىڭ كىرەبەرىسىندە تۋرنيكەت ورناتىلعان. الدىمەن كەلۋشىلەردىڭ تەمپەراتۋراسى ولشەنىپ، سودان كەيىن «اشىق» قوسىمشاسىمەن تەكسەرىلەدى. مۇنىڭ ءبارى بالالار مەن پەداگوگتاردىڭ قاۋىپسىزدىگى ءۇشىن.
مەكتەپ ۇجىمى جاڭا ەرەجەلەرگە باعىنۋعا دايىنبىز دەپ وتىر. تەك وعان حالىق ۇيرەنسە بولعانى. مەديتسينالىق بەتپەردە مەن انتيسەپتيكتەر قولجەتىمدى بولۋى ءۇشىن كابينەتتەر ۇنەمى كۆارتستاۋدى قاجەت ەتەدى ەكەن. مەكتەپتەردىڭ دايىندىعىن پىسىقتاۋ ماقساتىندا قۇرىلعان ءموبيلدى توپتارداعى ءماسليحات دەپۋتاتتارى سىنىپتاردى جەلدەتۋ جۇيەسىنە قىزىعۋشىلىق تانىتتى.
حالىق قالاۋلىلارى اسحانالارعا ەرەكشە نازار اۋدارۋدى سۇراپ وتىر. تاماقتانۋ ورنىندا ءاردايىم ءتارتىپ پەن تازالىق بولۋى كەرەك دەيدى.
ال، بۇل №64 مەكتەپ. بۇل ءبىلىم ورداسىنىڭ وقۋشىلارى بۇقارالىق سپورتتى دامىتۋ ماقساتىندا ۇيىمداستىرىلعان «شىمكەنت جاستار ليگاسىنىڭ » جەڭىمپازى اتانعان. ءموبيلدى توپ مۇشەلەرى مەكتەپتىڭ جاڭا وقۋلىقتارى بار كىتاپحانالار مەن سپورت زالىن ارالادى. جاقىن ارادا جاڭا الىپپە جەتكىزىلەدى دەپ جوسپارلانىپ وتىر ەكەن.
ءاليا جىبەكقىزى: «مىنە، ورىس ءتىلى، ءوزىن-ءوزى تانۋ، مۋزىكا جانە ەندى الىپپەنى كۇتۋدەمىز»
بۇل مەكتەپتەگى مۇنداي مونيتورلار وقۋشىلارعا ىڭعايلى بولۋ ءۇشىن ءار سىنىپتا ورناتىلعان. سول ارقىلى بەينەروليكتەردى تاماشالاپ، پرەزەنتاتسيالار جاساۋعا مۇمكىندىك بار. سونداي-اق الەۋمەتتىك جەلى دە قول جەتىمدى.
مەكتەپتەرگە قاتىستى ايتارلىقتاي ەسكەرتۋلەر جوق دەيدى دەپۋتاتتار. الداعى ۋاقىتتا دا ءبىلىم ۇيالارىن ارالاۋ جۇمىستارى قارقىندى جۇرگىزىلەتىنىن العا تارتتى.
تورەايىم سۇلتانوۆا، شىمكەنت قالالىق ءماسليحاتىنىڭ دەپۋتاتى: «ءبىزدىڭ مەكتەپتەر وقۋ جىلىنا دايىن دەپ سانايمىن، ەندى باستىسى اتا-انالار بالالاردى باقىلاپ وتىرۋى كەرەك. ءبىز مۇنداي تەكسەرۋلەردى ۇنەمى جۇرگىزەمىز».
ايتا كەتەيىك، مونيتورينگتىك توپ ارالاعان مەكتەپتەر اراسىندا زاڭ بۇزۋشىلىقتار بايقالمادى.
