Bügın, 18 nauryzda Moŋǧoliianyŋ qazırgı Qaruly Küşterınıŋ qūrylǧanyna 105 jyl toldy. Sondai-el elde Sarbaz künı toilanyp jatyr, dep habarlaidy «Adyrna» tılşısı MONSAME-ge sılteme jasap.
1921 jylǧy 18 nauryzda bas qolbasşy Damdin Sühbaatar qūrǧan ärı basqarǧan Moŋǧol halyq armiiasy Kiahta qalasyn azat etken bolatyn. Al 1921 jylǧy 1 nauryzda Moŋǧol halyq partiiasy qūrylyp, 6 nauryzda onyŋ Ortalyq komitetı men Äskeri ştabtyŋ bırlesken otyrysynda Kiahta qalasyn azat etu turaly şeşım qabyldanǧan. 14 nauryzda Sühbaatar būl turaly Uaqytşa halyq ükımetıne baiandaǧan.
Kiahta qalasyn soǧyssyz tapsyru turaly talapqa gomindan äskerınıŋ basşylyǧy jauap bermedı. Sonyŋ nätijesınde bas qolbasşy Sühbaatar men onyŋ orynbasary Sumiaa basqarǧan äsker 17 nauryz keşınde Kiahtaǧa şabuyl jasady. 18 nauryz taŋerteŋ halyq-revoliusiialyq armiia qalaǧa kırdı.
Keiın Moŋǧol Halyq Respublikasynyŋ Äskeri ıster ministrı ärı halyq-revoliusiialyq armiianyŋ bas qolbasşysy bolǧan Horloogiin Choibalsan Moŋǧol halyq-revoliusiialyq armiiasynyŋ qūrylǧan künın resmi mereke retınde bekıtudı ūsyndy. 1946 jylǧy 28 mamyrda Kışı Hural Prezidiumynyŋ 32-otyrysynda būl kündı resmi türde atap ötu turaly şeşım qabyldandy.
Nätijesınde Kiahta qalasy azat etılgen, Moŋǧol halyq armiiasy alǧaşqy jeŋısıne jetken 18 nauryz künı Revoliusiialyq armiia künı bolyp jariialanyp, jyl saiyn bükıl el boiynşa atap ötıledı. Sonymen qatar būl kün äskeri qyzmetkerler üşın resmi mereke jäne demalys künı retınde belgılendı.
2003 jylǧy 18 jeltoqsanda Memlekettık Ūly Hural bekıtken memlekettık merekeler men atauly künder turaly zaŋǧa säikes, 18 nauryz Qaruly küşter künı bolyp jariialandy.
Alaida būl kün köbıne qorǧanys salasynda ǧana atap ötılgendıkten, onyŋ maŋyzyn keŋeitu qajettıgı tuyndady. Osyǧan bailanysty 2011 jyly zaŋǧa özgerıster engızılıp, «Qaruly küşter künı» atauy «Moŋǧol sarbazy künı» bolyp özgertıldı. Būl özgerıs Qaruly küşterde qyzmet etken, qyzmet etıp jürgen jäne bolaşaqta qyzmet etetın barlyq azamatqa, sondai-aq eldıŋ qorǧanysyna üles qosyp jürgen jandarǧa qūrmet retınde qabyldandy.
