Shymkent: Keleste «Eneler mektebi» ashylmaq

856
Adyrna.kz Telegram

Túrkistan oblysy, Keles aýdanynyń aqsaqaldary 48 balanyń ómirine arasha túsip, jetimdikten saqtap qaldy. Osylaı degen Ushqyn aýyl ákimshiliginiń ardagerler keńesiniń tóraǵasy Lesbek Jumaǵulov ákimdik janynan qurylǵan ardagerler keńesi jáne ájeler keńesiniń birqatar tyndyrymdy tirlikterin ortaǵa saldy. Basqosý barysynda Kelestik aqsaqaldardyń erligi jaıly aıtyldy.

«Búginde jastar arasynda qarııalar tarapynan tálimdik, tárbıelik máni bar úgit nasıhattardy júrgizýdemiz. Búginginiń oılandyratyny – jas otbasylardyń buzylýy. Kóńilge kirbiń keltiretin oqıǵany aldyn-alý baǵytynda ájeler keńesimen birigip, jastardyń shańyraǵyna baryp, ónegeli áńgimeler aıtýdamyz. Búginde shańyraǵy shaıqalmaq bolǵan 24 otbasy bizge júgindi. Sol otbasylardy aqsaqaldarymen birlese sabyrǵa shaqyryp, ortaǵa alyp máseleni sheshtik. Allaǵa shúkir, olardan taraǵan 48 balany tiri jetimdikten saqtadyq dep aıta alamyn», – deıdi Lesbek Jumaǵulov.

Aqsaqaldyń aıtýynsha, ajyraspaq bolǵandardyń arasynda jasy 60 alqymdaǵan el aǵalary da bar eken. Olarmen de túsindirý jumystaryn júrgizgen keńes tóraǵasy nátıjeli mejege qol jetkizipti. Osy baǵyttaǵy jumystar jetildirilýde. Otbasy qundylyǵy men yntymaǵyn saqtaýda enelerdiń orny orasan ekenin aıtylǵan otyrysta «Eneler mektebi» degen uıym ashý týraly usynys aıtyldy.

"Adyrna" ulttyq portaly 

Pikirler