Qazaqstada Astana men Şyǧys Qazaqstan, Abai oblystarynan jūmys ızdep şetelge ketuşıler artqan. Būl turaly Finprom.kz resursy mälımdedı, dep habarlaidy “Adyrna” ūlttyq portaly.
Mälımetke süiensek, 1 nauryzdaǧy jaǧdai boiynşa şeteldıkterdıŋ küşın paidalanatyn jūmys beruşılerdıŋ sany 1,6 myŋǧa jetken. Atalǧan käsıporyndarda 459 myŋ Qazaqstan azamaty (99,5%), 13,1 myŋ şeteldık eŋbek etıp jatyr.
Şeteldık jūmysşylardyŋ ışınde basşy jäne basşynyŋ orynbasary bolyp eŋbek etıp jürgenderdıŋ sany bır jylda 0,4% artyp, 567 adamǧa jetken. Al qūrylymdyq bölımşelerdegı jetekşılerdıŋ sany 10,4% azaiyp, 2,7 adamǧa tüsken.
Elde 5,8 myŋ şeteldık maman jūmys ıstep jür. Būl bır jyl būrynǧy körsetkışten 19,8% az. Qazaqstanda jūmys ıstep jürgenderdıŋ köbı Qytai azamattary – 4,1 adam. Būl byltyrǧydan 20,8% paiyz artyq. Odan keiın Ündıstan (1,2 myŋ adam), Türkiia (1,1 myŋ adam) jäne Özbekstan (908 adam) azamattary bar.
Sondai-aq, şeteldık jūmys küşı köbınese qūrylys salasynda jiı paidalanylatynyn aitylǧan.
«Elden 548 adam jūmys ızdep ketken. Būl byltyrǧydan 25,6% az. Jūmys ızdep syrtqa ketuşıler köbınese Astanadan (256 adam), Şyǧys Qazaqstan (58 adam) jäne Abai oblystarynan (42 adam) şyǧady», - delıngen saraptamada.
Ūqsas jaŋalyqtar
