Belgılı qalamger Bauyrjan Omarūly grek-rim küresınen qazaqstandyq jäne būrynǧy keŋes odaǧynyŋ paluany, Qazaqstannyŋ eŋbek sıŋırgen qairatkerı Däulet Tūrlyhanovty eleulı elu segız jasymen qūttyqtady. Jürek jardy jazbasyn öz Facebook paraqşasynda jariialady, dep habarlaidy “Adyrna” ūlttyq portaly.
Äigılı baluan. Ardaqty azamat. Maitalman maman. Älemdık deŋgeidegı küres sporty qūrylymdary basşylarynyŋ bırı. Ataq-daŋqy jer jarady. Solai eken dep, keude kergenın körmeppız. Körkem mınezdı. Kışıpeiıl. Qaiyrymdy. Söilese qalsaŋ da, saparlas bolsaŋ da, soǧan közıŋ jetedı.
Basqa da önegelı ısterı barşylyq.
Toqsanynşy jyldardyŋ basynda belgılı käsıpker Erkın Qalievpen bırlesıp jekemenşık aqparat mekemesın aşty.
Tanymal ekı jıgıttıŋ esımderınen qūralǧan "Er-Däulet" aqparat agenttıgınıŋ tılşılerı älem qūlaq türgen oqiǧalardyŋ ortasyna baryp, dünienıŋ tükpır-tükpırınen habar taratqany jūrtşylyqtyŋ esınde bolar.
Agenttık ökılderı memleket basşylarynyŋ resmi saparlaryna da bırge attandy. Jan alysyp, jan berısken aituly sport saiystarynan tıkelei reportaj berdı.
Alaş tuy jelbıregen olimpiadalardyŋ törınde de "Er-Däulettıŋ" saiypqyran sarbazdary jasyn oinatty. Osynyŋ bärı jekemenşık aqparat qūralyn qūryp, onyŋ tızgının belgılı de bedeldı jurnalist, qairatker-qalamger Qydyrbek Rysbekovke senıp tapsyrǧan Däulet baluannyŋ arqasy edı. Qarşadaiyn tau qoparyp, tas jaryp üirengen Qydyr dos basty sosyn qamşyny... Az jylda agenttıktıŋ atyn qalyŋ elge tanytty. "Er-Däulet" - öz zamanynda öz mındetın oryndai bılgen aqparat qūrylymy.
Qazaq jyrynyŋ eren jüirıgı Mūrat Möŋkeūlynyŋ:
Baluan, bailyq, batyrlyq,
Üşeuı qoldan kelmei jür, -
degen öleŋ joldary bar.
Mūrat aqyn atap körsetken osy üş ūǧymdy jüregımen sezınıp, jönımen qadırlegen, qanasynan aspaǧan, kemerınen taspaǧan qarapaiym qazaqtyŋ bırı, elımızdıŋ parasatty perzentı Däulet Tūrlyhanov bügın elu segız jasqa toldy.
Tuǧan künıŋız qūtty bolsyn, Däuke! Amandyq tıleimız!
Däulet Bolatūly Tūrlyhanov 1963 jyly 18 qaraşada Şyǧys Qazaqstan oblysynyŋ Jarma audanynda düniege kelgen. Turizm jäne sport akademiiasyn, äl-Farabi atyndaǧy Qazaq ūlttyq universitetın bıtırgen.
Paluan, grek-rim küresınen eŋbek sıŋırgen sport şeberı, Qazaqstannyŋ eŋbek sıŋırgen qairatkerı, Qazaqstan jäne Qyrǧyzstan Respublikalarynyŋ eŋbek sıŋırgen jattyqtyruşysy.
Qazaqstannyŋ jäne halyqaralyq turnirlerdıŋ jeŋımpazy, KSRO-nyŋ jetı dürkın chempiony, KSRO halyqtary spartakiadasynyŋ kümıs jüldegerı, jäne jeŋımpazy, Europa chempiony, Älem chempiony jäne kümıs jüldegerı, qola jüldegerı, Älem kubogynyŋ ekı märte jeŋımpazy, 12-şı Aziia oiyndarynyŋ jeŋımpazy, Aziianyŋ ekı dürkın chempiony, 24-25-şı Olimpiadalyq oiyndarynyŋ kümıs, qola jüldegerı bolǧan.
“Adyrna” ūlttyq portalynyŋ ūjymy da tuǧan künıŋızben şyn jürekten qūttyqtaidy!
“Adyrna” ūlttyq portaly
