Jurnalist äleumettık jelıde älem chempionatynda qazaqstandyq sportşy Nazym Qyzaibaidyŋ "aiaǧynan şaldy" dep, öz pıkırın bıldırdı, dep habarlaidy "Adyrna" ūlttyq portaly.
Liverpulde bokstan ötken älem chempionaty öz märesıne jettı. Qazaqstan qūramasy jalpykomandalyq esepte 1-oryndy ielendı.
Alaida finalda şarşy alaŋǧa şyqqan qazaqstandyq boksşy Nazym Qyzaibai ündıstandyq qarsylasyna ese jıberıp, kümıs jüldenı qanaǧat tūtty.
Belgılı sport jurnalisı Aslan Qajenov äleumettık jelıde töreşılerdıŋ ädıldıgıne kümän keltırdı. Onyŋ aituynşa, türık töreşı Davut Kanunni barlyq raundta Qyzaibaiǧa toǧyz ball qoiyp, altyn jüldeden aiyrǧan. Sondai-aq ol Aibek Oralbaidyŋ jekpe-jegınde de däl osyndai baǧa bergenın atap öttı.
«Nazym Qyzaibaidy ūtyp tūrǧan jerınen barlyq raundta toǧyz balldan qoiyp, altyn jüldesınen aiyrǧan türık töreşı osy. Aty-jönı - Davut Kanuni. Artynşa Aibek Oralbaiǧa da barlyq raundqa toǧyz ball qoidy. İnsta akkaunty joq eken. Dese de osylai suretın salyp qoiaiyn. Bılsın, qazaq elı būndai qastandyqty ūmytpaitynyn. Tübı kezdesemız! Betıne basamyz!», - dep jazdy ol.
