«Táýelsizdik – máńgilik eldiń tuǵyry»

829
Adyrna.kz Telegram

Óńirimizdegi hımııa-bıologııa baǵytyndaǵy Nazarbaev Zııatkerlik mektebinde «Qazirgi álemdegi Qazaqstan» atty ashyq sabaq ótti. Is-sharaǵa Shymkent qalasyndaǵy aldyńǵy qatarly 30 mektepten 900-ge jýyq oqýshy onlaın qatysýǵa múmkindik aldy.

Táýelsizdik sabaǵy «Nazarbaev Zııatkerlik mektepteri» derbes bilim berý uıymynyń avtorlyq baǵdarlamasynyń negizinde ázirlengen. Onda oqýshylar Qazaqstannyń táýelsizdik jyldarynda jetken jetistikteri men baǵyndyrǵan belesterin atap kórsetti.

Zııatkerler «Táýelsizdik – máńgilik eldiń tuǵyry» atty búgingi sharada eldiń ótken tarıhy men búgingi jetistigine sholý jasady. Sabaq barysynda olar Qazaqstannyń 30 jyl ishinde jetken belesi jaıynda baıandap, jarqyn bolashaqtyń kilti – ıgi bastamalar ekenin aıtty.

Baınazar Seıtek, Hımııa-bıologııa baǵytyndaǵy Nazarbaev Zııatkerlik mektebiniń oqýshysy: «Búgingi sabaqta biz táýelsizdikte bolǵan oqıǵalar, ıaǵnı, mysalǵa Nazarbaevtyń bastaýymen ıadrolyq qarýdan bas tartqan sekildi úlken bastamalar bizge úlken álemdik deńgeıdegi qurmetti jáne demokratııalyq bastamalar ákelýde. Jáne osynyń arqasynda biz basqa elderdiń arasynda úlken abyroıǵa ıe bolyp otyrmyz».

«Táýelsizdiktiń jastarǵa syılaǵan múmkindigi óte zor. Ony keler urpaqqa aman-esen jetkizý basty maqsatymyz. Sonymen qatar, eldiń mereıin asqaqtatyp, bıik shyńdardan kórinýi bizdiń qolymyzda» dedi Shymkent qalalyq hımııa-bıologııa baǵytyndaǵy Nazarbaev Zııatkerlik mektebiniń dırektory Qaıyrbek Býksýkbaev.

«Mundaı úlken ózekti máseleler bizdiń jastarymyzdan bastap, oqýshylarymyz tereń oımen, ary qaraı damyp, elimiz kórkeıedi dep senemin. Sebebi, eldiń eń birinshi baılyǵy – beıbitshilik. Beıbitshilik bolatyn bolsa, basqa da salalardyń damýyna múmkindik bar. Onyń ishinde medıına, bilim salasy, ár túrli sport júıeleriniń jańartýlary, munyń bári tek beıbitshiliktiń arqasynda júzege asady».

Mektep dırektorynyń aıtýynsha, jyl sońyna deıin Qytaı Halyq Respýblıkasyndaǵy Sýdjoý mektebimen onlaın formatta kezdesý josparlanyp otyr. Bul onlaın sabaq Qazaqstannyń táýelsizdik jyldaryndaǵy damýy men jetken jetistikterin dáripteýge arnalmaq. Aldaǵy ýaqytta uıymdastyrýshylar osy syndy sabaqty oflaın formatta ótkizýge nıetti ekenin de jetkizdi.

Gúldana Dáýren

Pikirler