Tegin sý ishetin aýyzsý burqaqtary ornatylady

1019
Adyrna.kz Telegram

Ál-Farabı aýdanynda adam kóp shoǵyrlanǵan 15 orynǵa qala turǵyndary men qonaqtary tegin sý ishýi úshin aýyzsý burqaqtaryn (pıtevoı fontan) ornatý josparlanyp otyr. Atalǵan joba aýdan demeýshileri esebinen iri saýda ortalyqtary men saıabaqtarǵa qoıylmaq. Búginde sýburqaqtardyń eskızi daıyndalyp, demeýshilermen kelissózder júrgizilip jatyr.

Bul jóninde aýdan ákimi Rashıd Myńbaev @akimat_shymkent paraqshasynda turǵyndarmen tikeleı efırde júzdesý barysynda aıtty.

Sondaı-aq, aýdan basshysy taǵy bir jańa bastamanyń qolǵa alynyp jatqanyn jetkizdi. Aýdan aýmaǵyna jolaýshylardyń haby sanalatyn 10 núktege sońǵy úlgidegi «Smart» aıaldamalar salynbaq. Onda turǵyndardyń yńǵaılylyǵy úshin tegin Wifi, smartfon qýattaǵysh kózderi, kondııoner, qalanyń kartasy jáne marshrýt baǵyttary kórsetilgen elektrondy taqtaısha ornatylady.

Aýdannyń áleýmettik jaǵdaıyn jaqsartýǵa nıetti azamattardy tyń ıdeıalar men jańa bastamalardy birge júzege asyrýǵa shaqyrdy. Efır sońynda turǵyndardan kelip túsken suraqtarǵa jaýap berdi.

"Adyrna" ulttyq portaly 

Pikirler