Aýyl sharýashylyǵy salasyndaǵy sarapshy, «Shopan ata» qaýymdastyǵynyń tóraǵasy Almasbek Sadyrbaev Qasqa Jol arnasyna bergen suhbatynda bılik Batys óńirlerde mal qyrylyp, jut bolyp jatqanyn moıyndamaı otyrǵanyn aıtty, dep habarlaıdy "Adyrna" ulttyq portaly.
Onyń sózinshe, Aýyl sharýashylyǵy mınıstri Erbol Qarashúkeev jaǵdaıdy bilý úshin óńirlerdi durys aralamaıdy.
- Erbol Qarashúkeev Mańǵystaýǵa baryp, Úkimet tarapynan qarajat bólgizip berdi de ózi qashyp ketti. Aınalaıyn, sen Aýyl sharýashylyǵy mınıstrisiń, sen o jerden ketpeýiń kerek. Keshe el shýlap jatqanda, ol Amerıkada júrdi. Ol AQSh-ta emes, Mańǵystaýda júrý kerek. Sonda jetilep jatyp, ahýaldyń bárin kórý kerek. Tek daıyndaǵan jerge baryp, sol jerden qaıtady. Qaıda barsa da sol. Jambyl oblysyna da menen keıin baryp, bir-eki baı sharýada jolyǵyp qaıtty, - dedi ol.
«Blatnoı qoıshy» atanyp ketken Sadyrbaev mınıstrge úndeý jasap, Batystaǵy sharýanyń qıyn halimen birge tanysýǵa shaqyrdy.
- Erbol, jigitsiń ba, men saǵan kórseteıin. Ákimmen birge barma, menimen bar. Ákim daıyndaǵan jerge barasyń sen. Sen degen bildeı bir eldiń mınıstrisiń. Aýyldan shyqqan azamatsyń, júrshi, men saǵan kórseteıin. Birinshi barǵanyńda janyńda turyp berdim ǵoı sen seniń. Al sen endi meniń janymda turyp ber. Sodan keıin sheshimdi qabylda. Prezıdentke jaǵdaıdy jetkizetin sen, men emes,- dep aıtty A.Sadyrbaev.
"Adyrna" ulttyq portaly
