Almatyda avtobýstyń tóbesinde otshashý uıymdastyrǵan buzaqylar ustaldy. Polisia.kz málimdeýinshe olardyń arasynda kámeletke tolmaǵandar da bar dep habarlaıdy "Adyrna" saıty.
Bostandyq aýdandyq polıııa basqarmasynyń habarlaýynsha, buzaqylyq jasaǵandar anyqtaldy. Áleýmettik jelide olardyń jasaǵan buzaqylyqtary beınelegen vıdeo tarady.
«Olar tórteý. Bastapqyda árqaısysynyń rólderi taǵaıyndaldy. Bireýi avtobýs júrgizýshisiniń nazaryn aýdarsa, ekinshisi ne bolyp jatqanyn uıaly telefon kamerasyna túsirip aldy, taǵy ekeýi – tikeleı oryndaýshylar qoǵamdyq kóliktiń tóbesine shyǵyp, otshashý uıymdastyrdy. Olardyń arasynda kámeletke tolmaǵandar da bar», - deıdi aýdandyq ishki ister bóliminiń basshysy Dýman Aýhadıev.
Polıııa departamentiniń basshysy is QR Qylmystyq kodeksiniń 293-baby «Buzaqylyq» boıynsha tergelip jatqanyn qosty. Sonymen qatar, buzaqylardyń áreketterinen Qazaqstan Respýblıkasy Ákimshilik kodeksiniń 436-babynda kózdelgen «Atys qarýynan, gazben, pnevmatıkalyq, laqtyrǵysh jáne elektr qarýynan atý, eldi mekenderde pırotehnıkalyq buıymdardy qoldaný» degen quqyq buzýshylyq belgilerin kórgen.
Dýman Aýhadıev polıııa qyzmetkerleri avtobýstaǵy jolaýshylarǵa naqty qaýip tóndirgen jastardyń is-áreketiniń shynaıy sebebin tergeý barysynda anyqtaıtynyna sendirdi.
Kadrlarda avtobýstyń tóbesinen sekirip bara jatqan qatysýshylardyń biri basynan jaraqat alǵany kórinedi.
Sondaı-aq ınternette buzaqylar shaǵyn avtobýstyń tóbesinen otshashýlar atqan vıdeo tarady.
"Adyrna" ulttyq portaly
