Polıeıler naýryz aıynyń basynda Almaty mańynda bolǵan jappaı tóbelestiń 17 qatysýshysyn ustady. Kúdiktilerden 12 atys qarýy men 8 avtokólik tárkilendi dep habarlaıdy Almaty oblysynyń polıııa departamentine silteme jasaǵan "Adyrna" tilshisi.
Oqıǵa 7 naýryz kúni Qarasaı aýdanyndaǵy Shamalǵan aýyly mańynda tirkelip, 30-ǵa jýyq jas jigittiń ózara qarym qatynasty sheshý úshin judyryq pen qarý qoldanǵan. Oqıǵa ornynan 30 jastaǵy er adam oq jaraqatymen aýrýhanaǵa jetkizildi.
Al polıeıler atap ótkendeı, tártip saqshylarynyń aralasýynan keıin atys saldary barynsha azaıtyldy. Belgili bolǵandaı, janjaldasýshy taraptar polıııaǵa birneshe ret oq atyp, oqıǵa ornynan ketip qalǵan.
Oqıǵa ornynda krımınologtar vıntovka, tegis uńǵyly jáne travmatıkalyq qarýlardyń kóptegen gılzalaryn jáne qaraýsyz qalǵan úsh kólikti tapty.
"Búgingi tańda 17 adam ustaldy, 16-sy qamaýǵa alyndy, bireýi úıqamaqqa alyndy. Sondaı-aq taǵy úsh qatysýshy anyqtalyp, memleketaralyq izdeýge jarııalandy. Qatysýshylardan ártúrli kalıbrdegi 12 atys qarýy tárkilendi. Sondaı-aq segiz kólik tárkilenip, qajetti saraptamadan ótkizilip, arnaıy turaqqa ornalastyryldy», - dep habarlady Almaty oblysy polıııa departamentiniń baspasóz qyzmeti.
Kúdiktilerge birneshe baptar boıynsha aıyp taǵylyp otyr – «atys qarýyn qoldanyp buzaqylyq jasaý», «quqyq qorǵaý organy qyzmetkeriniń ómirine qol suǵý», «kisi óltirýge oqtalý». Tártip saqshylary qalǵan qatysýshylardy anyqtaý jáne izdeý jumystaryn jalǵastyrýda.
